ಕೊರೊನಾ ಪ್ರಕಣದಲ್ಲಿ ಏರಿಕೆ - ಮೋದಿ ವಿರುದ್ಧ ರಾಹುಲ್‌ ಕಿಡಿ

•   Tue, Aug 04 2020 11:20:16 AM



• ನವದೆಹಲಿ, ಆ. 04 (DaijiworldNews/MB) : ಸತತ ಐದನೇ ದಿನವು ಕೂಡಾ ದೇಶದಲ್ಲಿ 50,000ಕ್ಕೂ ಅಧಿಕ ಕೊರೊನಾ ಪ್ರಕರಣಗಳು ದಾಖಲಾಗಿದ್ದು, ಕಾಂಗ್ರೆಸ್‌ ಮುಖಂಡ ರಾಹುಲ್‌ ಗಾಂಧಿ ಪ್ರಧಾನಿ ನರೇಂದ್ರ ಮೋದಿಯ ವಿರುದ್ಧ ಕಿಡಿಕಾರಿದ್ದಾರೆ.

  

  ಸರಿಯಾದ ಸಮಯದಲ್ಲಿ ಸರಿಯಾದ ನಿರ್ಧಾರಗಳು ತೆಗೆದುಕೊಂಡರೆ ಭಾರತವು ಇತರ ದೇಶಗಳಿಗಿಂತ ಉತ್ತಮವಾಗಿರುತ್ತದೆ ಪಿಎಂ ಎಂದು ಟ್ವೀಟ್‌ ಮಾಡಿದ್ದಾರೆ. ಹಾಗೆಯೇ ಇದರೊಂದಿಗೆ ವಿಶ್ವದಲ್ಲಿ 24 ಗಂಟೆಗಳಲ್ಲಿ ವರದಿಯಾದ ಕೊರೊನಾ ಸೋಂಕು ಪ್ರಕರಣಗಳ ಗ್ರಾಫ್‌ಅನ್ನು ಕೂಡಾ ಟ್ವೀಟಿಸಿದ್ದಾರೆ.

  ವಿಶ್ವದಲ್ಲಿ ಕಳೆದ 24 ಗಂಟೆಗಳಲ್ಲಿ ಅತಿ ಹೆಚ್ಚು ಕೊರಾನಾ ವೈರಸ್ ಪ್ರಕರಣಗಳು ವರದಿಯಾಗಿರುವ 10 ದೇಶಗಳ ಪಟ್ಟಿಯಲ್ಲಿ ಭಾರತ ಮೊದಲ ಸ್ಥಾನದಲ್ಲಿ ಇರುವುದು ಈ ಗ್ರಾಫ್‌ನಲ್ಲಿದೆ. ದೇಶದಲ್ಲಿ ಸೋಮವಾರ 52,972 ಕೊರೊನಾ ಪ್ರಕರಣಗಳು ದೃಢಪಟ್ಟಿದ್ದು ಒಟ್ಟು ಸೋಂಕಿತರ ಸಂಖ್ಯೆ 18 ಲಕ್ಷ ದಾಟಿದೆ.

  ವಿಶ್ವದಲ್ಲೇ ಅಧಿಕ ಕೊರೊನಾ ಪ್ರಕರಣಗಳು ದಾಖಲಾಗಿರುವ ಅಮೆರಿಕಾದಲ್ಲಿ 24 ಗಂಟೆಗಳಲ್ಲಿ 47,511 ಪ್ರಕರಣಗಳು, ಬ್ರೆಜಿಲ್ 25,800 ಪ್ರಕರಣಗಳು, ಪೆರು 21,358 ಪ್ರಕರಣಗಳು ಮತ್ತು ಕೊಲಂಬಿಯಾ 11,470 ಪ್ರಕರಣಗಳು ದಾಖಲಾಗಿದೆ ಎಂದು ಗ್ರಾಫ್‌ನಲ್ಲಿ ತಿಳಿಸಲಾಗಿದೆ.

  “The right decisions at the right time means India is better off than other countries.” PM pic.twitter.com/ckFWi7Aztq

  — Rahul Gandhi (@RahulGandhi) August 3, 2020