'ಮಹಿಳೆಯರಿಗೆ ರಕ್ಷಾ ಬಂಧನದ ಉಡುಗೊರೆ' - ಮಣಿಪುರ ನೀರು ಸರಬರಾಜು ಯೋಜನೆ ಶಿಲಾನ್ಯಾಸ ಮಾಡಿದ ಮೋದಿ

•   Thu, Jul 23 2020 12:29:10 PM



• ನವೆದೆಹಲಿ, ಜು. 23 (DaijiworldNews/MB) : ಮಣಿಪುರದಲ್ಲಿ ನೀರು ಸರಬರಾಜು ಯೋಜನೆಗೆ ವಿಡಿಯೋ ಕಾನ್ಫೆರೆನ್ಸ್‌ ಮೂಲಕ ಶಿಲಾನ್ಯಾಸ ಮಾಡಿದ ಪ್ರಧಾನಿ ಮೋದಿಯವರು, ಇದು ಮಣಿಪುರದ ಮಹಿಳೆಯರಿಗೆ "ರಕ್ಷಾ ಬಂಧನದ ಉಡುಗೊರೆ" ಎಂದು ಹೇಳಿದ್ದಾರೆ.

  

  ಈ ಯೋಜನೆಯು ಇಂಫಾಲ್‌ ಹಾಗೂ ಮಣಿಪುರದ 1,700 ಗ್ರಾಮಗಳಿಗೆ ಶುದ್ಧ ಕುಡಿಯುವ ನೀರನ್ನು ಮೂಲಕ ಜೀವಸೆಲೆಯಾಗಲಿದೆ. ಇದರಿಂದ ರಾಜ್ಯದ ಒಂದು ಲಕ್ಷ ಕುಟುಂಬದ ಮಹಿಳೆಯರಿಗೆ ಸಹಾಯವಾಗುತ್ತದೆ. ಹಾಗೆಯೇ ಸಾವಿರಾರು ಜನರಿಗೆ ಉದ್ಯೋಗ ಒದಗಿಸುತ್ತದೆ ಎಂದು ಹೇಳಿದರು.

  ಈ ಯೋಜನೆಯನ್ನು ಸ್ಥಳೀಯ ಪಂಚಾಯಿತಿಗಳು ಮತ್ತು ಇಲ್ಲಿ ವಾಸಿಸುವ ಜನರ ಸಹಾಯದಿಂದ ವಿನ್ಯಾಸಗೊಳಿಸಲಾಗಿದೆ. "ವಿಕೇಂದ್ರೀಕರಣದ ಉತ್ತಮ ಉದಾಹರಣೆ" ಇದಾಗಿದೆ ಎಂದರು.

  ಕೊರೊನಾ ಕಾರಣದಿಂದ ದೇಶ ಸಂಪೂರ್ಣವಾಗಿ ಸ್ತಬ್ಧವಾಗಿಲ್ಲ. ಈ ಸಂದರ್ಭದಲ್ಲೂ ಇಲ್ಲಿ ಪೈಪ್‌ಲೈನ್‌ ಹಾಕುವಂತಹ ಕಾರ್ಯಗಳು ಮುಂದುವರೆದಿದೆ ಎಂದು ತಿಳಿಸಿದರು.

  2024 ರ ವೇಳೆಗೆ ಗ್ರಾಮೀಣ ಭಾರತದ ಪ್ರತಿ ಮನೆಗಳಿಗೆ ಹರ್ ಘರ್ ಜಲ ಗುರಿಯೊಂದಿಗೆ ಶುದ್ಧ ಕುಡಿಯುವ ನೀರು ಒದಗಿಸಲು ಕೇಂದ್ರ ಸರ್ಕಾರವು ಜಲ ಜೀವನ್ ಮಿಷನ್ ಆರಂಭಿಸಿದೆ. ಗ್ರೇಟರ್ ಇಂಫಾಲ್ ಯೋಜನಾ ಪ್ರದೇಶದ 16 ಜಿಲ್ಲೆಗಳಲ್ಲಿ 25 ಪಟ್ಟಣಗಳು ​​ಮತ್ತು 1,731 ಗ್ರಾಮೀಣ ವಸಾಹತುಗಳಲ್ಲಿ 2,80,756 ಮನೆಗಳನ್ನು ಒಳಗೊಂಡಂತೆ ಈ ಯೋಜನೆಯನ್ನು ವಿನ್ಯಾಸಗೊಳಿಸಲಾಗಿದೆ.