'ಅಡ್ವಾಣಿ, ಜೋಶಿ ವಿರುದ್ದದ ಬಾಬರಿ ಮಸೀದಿ ಪ್ರಕರಣ ಇತ್ಯರ್ಥ ಮಾಡಿ' - ಪ್ರಧಾನಿ ಮೋದಿಗೆ ಸ್ವಾಮಿ ಒತ್ತಾಯ

•   Tue, Jul 21 2020 01:51:52 PM



• ನವದೆಹಲಿ‌‌‌‌, ಜು 21 (DaijiworldNews/PY): ಅಯೋಧ್ಯೆಯಲ್ಲಿ ರಾಮ ಮಂದಿರ ಭೂಮಿ ಪೂಜಾ ಸಮಾರಂಭದ ಮೊದಲು ಹಿರಿಯ ಬಿಜೆಪಿ ಮುಖಂಡ ಲಾಲ್ ಕೃಷ್ಣ ಅಡ್ವಾಣಿ ಮತ್ತು ಮುರಳಿ ಮನೋಹರ್ ಜೋಶಿ ವಿರುದ್ಧದ ಬಾಬರಿ ಮಸೀದಿ ದ್ವಂಸ ಪ್ರಕರಣದಿಂದ ಕೈಬಿಡುವಂತೆ ಬಿಜೆಪಿ ಸಂಸದ ಸುಬ್ರಮಣಿಯನ್ ಸ್ವಾಮಿ ಪ್ರಧಾನಿ ನರೇಂದ್ರ ಮೋದಿಯವರನ್ನು ಒತ್ತಾಯಿಸಿದ್ದಾರೆ.

  

  ಈ ವಿಚಾರದ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, ಅಡ್ವಾಣಿ ಹಾಗೂ ಜೋಶಿ ಅವರು ಮಸೀದಿಯನ್ನು ದ್ವಂಸ ಮಾಡಿಲ್ಲ. ದೇವಾಲಯವನ್ನು ಪುನರ್‌‌ ನಿರ್ಮಿಸುವ ಸಲುವಾಗಿ ಉರುಳಿಸಿದ್ದಾರೆ. ಪ್ರಧಾನಿ ಮೋದಿ ಅವರು ರಾಮಮಂದಿರದ ಭೂಮಿ ಪೂಜೆಗಿಂತ ಮೊದಲು ಲಾಲ್ ಕೃಷ್ಣ ಅಡ್ವಾಣಿ ಮತ್ತು ಮುರಳಿ ಮನೋಹರ್ ಜೋಶಿ ವಿರುದ್ಧದ ಬಾಬರಿ ಮಸೀದಿ ದ್ವಂಸ ಪ್ರಕರಣದಿಂದ ಕೈಬಿಡಬೇಕು ಎಂದಿದ್ದಾರೆ.

  ಆಗಸ್ಟ್ 5 ರಂದು ಮಧ್ಯಾಹ್ನ 12.15 ಕ್ಕೆ ಅಯೋಧ್ಯೆಯ ರಾಮ ಮಂದಿರದ ಭೂಮಿ ಪೂಜೆಯನ್ನು ಸಮಾರಂಭವನ್ನು ವಾರಣಾಸಿಯ ವಿದ್ವಾಂಸರು ನಡೆಸಲಿದ್ದು, ಸಮಾರಂಭಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ಹಾಗೂ 250 ಗಣ್ಯರು ಪಾಲ್ಗೊಳ್ಳಲಿದ್ದಾರೆ.

  Before taking Advani Joshi etc., to Ayodhya PM must order the closing of the silly case of demolition of the "Babri Masjid". If at all complicit, they did not demolish a masjid but a functioning temple to rebuild it.

  — Subramanian Swamy (@Swamy39) July 21, 2020