ಬಾಲಿವುಡ್‌ನ ಪ್ರಸಿದ್ಧ ನಿರ್ದೇಶಕ ರಜತ್ ಮುಖರ್ಜಿ ಇನ್ನಿಲ್ಲ

•   Sun, Jul 19 2020 03:53:08 PM



• ಮುಂಬೈ, ಜು.19 (DaijiworldNews/MB) : ಬಾಲಿವುಡ್‌ನ ಪ್ರಸಿದ್ಧ ನಿರ್ದೇಶಕ ರಜತ್ ಮುಖರ್ಜಿ ಜೈಪುರದಲ್ಲಿ ಭಾನುವಾರ ನಿಧನರಾಗಿದ್ದಾರೆ.

  

  ಅವರು ಮೂತ್ರಪಿಂಡ ಸಂಬಂಧಿತ ಸಮಸ್ಯೆಗಳಿಂದ ಬಳಲುತ್ತಿದ್ದರು ಎಂದು ವರದಿ ತಿಳಿಸಿದೆ.

  ಸಾವಿನ ಬಗ್ಗೆ ಟ್ವೀಟ್‌ ಮೂಲಕ ತಿಳಿಸಿರುವ ನಟ ಮನೋಜ್ ಬಾಜಪೇಯಿ, ನನ್ನ ಸ್ನೇಹಿತ ಮತ್ತು ರೋಡ್‌ ನಿರ್ದೇಶಕ ರಜತ್ ಮುಖರ್ಜಿ ಅನಾರೋಗ್ಯದಿಂದ ಸುದೀರ್ಘ ಹೋರಾಟದ ಬಳಿಕ ಜೈಪುರದಲ್ಲಿ ಇಂದು ಮುಂಜಾನೆ ನಿಧನರಾದರು !!! ಅವರ ಆತ್ಮಕ್ಕೆ ಶಾಂತಿ ದೊರೆಯಲಿ. ನಾವು ಇನ್ನು ಭೇಟಿಯಾಗುವುದಿಲ್ಲ ಅಥವಾ ಚರ್ಚಿಸುವುದಿಲ್ಲ ಎಂದು ನಂಬಲು ಸಾಧ್ಯವಿಲ್ಲ. ಎಲ್ಲಿದ್ದರೂ ಸಂತೋಷವಾಗಿರಿ ಎಂದು ಬರೆದುಕೊಂಡಿದ್ದಾರೆ.

  ಪ್ಯಾರ್ ಟ್ಯೂನ್ ಕ್ಯಾ ಕಿಯಾ, ಲವ್ ಇನ್ ನೇಪಾಳ್, ರೋಡ್ ಮೊದಲಾದ ಸಿನಿಮಾ ನಿರ್ದೇಶನದ ಮೂಲಕ ಪ್ರಖ್ಯಾತಿ ಗಳಿಸಿರುವ ರಜತ್ ಅವರು, ಇಶ್ಕ್ ಕಿಲ್ಸ್ ಎಂಬ ಕ್ರೈಂ ಡ್ರಾಮ ಟಿವಿ ಸರಣಿಯನ್ನು ನಿರ್ದೇಶಿಸಿದ್ದರು.

  My friend and director of Road ,Rajat Mukherjee passed away in the early hours today in Jaipur after a long battle with illness!!! Rest in peace Rajat !!Still can’t believe that we will never meet or discuss our work ever again.khush reh jaha bhi reh.🙏🙏🙏

  — manoj bajpayee (@BajpayeeManoj) July 19, 2020