ಇನ್ಮುಂದೆ ಕೊರೊನಾ ನೆಗೆಟಿವ್‌ ಆದ್ದಲ್ಲಿ ವರದಿ ಎಸ್‌ಎಮ್‌ಎಸ್‌ ಮೂಲಕ ರವಾನೆ

•   Sun, Jul 19 2020 11:14:46 AM



• ಬೆಂಗಳೂರು, ಜು 19 (DaijiworldNews/PY): ಕೊರೊನಾ ಪರೀಕ್ಷೆ ಮಾಡಿಸಿದವರ ವರದಿ ನೆಗೆಟಿವ್‌ ಬಂದ ಕೂಡಲೇ ಈ ವರದಿಯನ್ನು ಸಂಬಂಧಪಟ್ಟವರಿಗೆ ಸಂದೇಶದ ಮುಖಾಂತರ ರವಾನಿಸಲು ರಾಷ್ಟ್ರೀಯ ಆರೋಗ್ಯ ಅಭಿಯಾನ ಕೊರೊನಾ ಪ್ರಯೋಗಾಲಯಗಳ ನೋಡಲ್‌ ಅಧಿಕಾರಿಗಳು ಸುತ್ತೋಲೆ ಹೊರಡಿಸಿದೆ.

  

  ಕೊರೊನಾ ನೆಗೆಟಿವ್‌ ಬಂದ ವ್ಯಕ್ತಿಗಳ ವರದಿ ಬಂದ ಕೂಡಲೇ ಸಂಬಂಧಪಟ್ಟವರಿಗೆ ತಕ್ಷಣ ಕಳುಹಿಸುವ ಈ ಪ್ರಕ್ರಿಯೆಯು ಎಲ್ಲಾ ಜಿಲ್ಲೆಗಳಿಗೆ ಅನ್ವಯವಾಗುತ್ತದೆ ಎಂದು ರಾಷ್ಟ್ರೀಯ ಆರೋಗ್ಯ ಅಭಿಯಾನ ನಿರ್ದೇಶಕಿ ಡಾ. ಅರುಂಧತಿ ಚಂದ್ರಶೇಖರ್‌‌ ಸುತ್ತೋಲೆಯಲ್ಲಿ ತಿಳಿಸಿದ್ದಾರೆ.

  ಎಸ್‌‌.ಆರ್‌‌.ಎಫ್‌‌.ಐ.ಡಿಯಲ್ಲಿ ವ್ಯಕ್ತಿಯ ಹೆಸರು, ಫಲಿತಾಂಶ - ನೆಗೆಟಿವ್‌‌ ಎಂದು ಸಂದೇಶದ ಮೂಲಕ ಕಳುಹಿಸಲಾಗುತ್ತದೆ ಎಂದು ತಿಳಿಸಿದ್ದಾರೆ.