'ಸರ್ಕಾರವು ಗ್ರಾಮ ಪಂಚಾಯತ್‌‌ ಚುನಾವಣೆ ನಡೆಸಲು ಸಿದ್ದ' - ಕೆ.ಎಸ್‌.ಈಶ್ವರಪ್ಪ

•   Fri, Jul 03 2020 05:46:23 PM



• ಶಿವಮೊಗ್ಗ, ಜು 03(DaijiworldNews/PY): ಸರ್ಕಾರವು ಗ್ರಾಮ ಪಂಚಾಯತ್‌‌ ಚುನಾವಣೆ ನಡೆಸಲು ಸಿದ್ದವಿದ್ದರೂ, ಕೊರೊನಾ ಸೋಂಕು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಕಾರಣ ಚುನಾವಣೆ ನಡೆಸಲು ಸಾಧ್ಯವಾಗುತ್ತಿಲ್ಲ ಎಂದು ಗ್ರಾಮೀಣಾಭಿವೃದ್ಧಿ ಸಚಿವ ಕೆ.ಎಸ್ ಈಶ್ವರಪ್ಪ ಹೇಳಿದ್ದಾರೆ.

  

  ಶುಕ್ರವಾರ ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕೊರೊನಾ ಯಾವಾಗ ಮುಗಿಯುತ್ತದೋ ಗೊತ್ತಿಲ್ಲ. ಈ ಹಿನ್ನೆಲೆ ಕೊರೊನಾ ಮುಗಿಯುತ್ತಿದ್ದಂತೆಯೇ ಗ್ರಾಮ ಪಂಚಾಯತ್‌ ಚುನಾವಣೆಯನ್ನು ಮಾಡಲು ಸೂಕ್ತವಾಗದ ಕ್ರಮ ತೆಗೆದುಕೊಳ್ಳಲಾಗುತ್ತದೆ ಎಂದರು.

  ಹೈಕೋರ್ಟ್ ಚುನಾವಣಾ ಆಯೋಗಕ್ಕೆ ಗ್ರಾಮ ಪಂಚಾಯತ್‌ ಚುನಾವಣೆ ನಡೆಸುವ ವಿಚಾರವಾಗಿ ಆಯೋಗದ ನಿಲುವು ಏನೆಂಬುದನ್ನು ಕೇಳಿತ್ತು. ಹಾಗಾಗಿ ಅಕ್ಟೋಬರ್‌ ತಿಂಗಳ ಮೊದಲ ವಾರದಲ್ಲಿ ಚುನಾವಣೆ ಮಾಡಲು ಸಿದ್ದವಾಗಿರುವುದಾಗಿ ಚುನಾವಣಾ ಆಯೋಗ ಹೇಳಿದೆ ಎಂದು ತಿಳಿಸಿದರು.