ಸೊಪೋರ್‌‌‌ನಲ್ಲಿ ಉಗ್ರರ ದಾಳಿ - 3 ವರ್ಷದ ಬಾಲಕನನ್ನು ರಕ್ಷಿಸಿದ ಭದ್ರತಾ ಪಡೆ

•   Wed, Jul 01 2020 12:38:12 PM



• ಶ್ರೀನಗರ, ಜು 01(DaijiworldNews/PY): ಕಾಶ್ಮೀರದ ಸೊಪೋರ್‌‌‌ನಲ್ಲಿ ಬುಧವಾರ ಭದ್ರತಾ ಪಡೆಗಳು ಹಾಗೂ ಭಯೋತ್ಪಾಕರ ನಡುವೆ ನಡೆದ ದಾಳಿಯಲ್ಲಿ ಭಾರತೀಯ ಸೇನಾಪಡೆಯ ಯೋಧರು 3ವರ್ಷದ ಬಾಲಕನನ್ನು ರಕ್ಷಿಸಿದ್ದಾರೆ.

  

  ಸೊಪೋರ್‌‌ನಲ್ಲಿನ ಮಾಡೆಲ್‌‌ ಟೌನ್‌ ಸಮೀಪದಲ್ಲಿ ಬುಧವಾರ ಬೆಳಿಗ್ಗೆ ಭಯೋತ್ಪಾದಕರು ದಾಳಿ ನಡೆಸಿದ್ದು, ದಾಳಿಯ ಸಂದರ್ಭ ಸ್ಥಳದಲ್ಲಿದ್ದ ಭದ್ರತಾ ಪಡೆಗಳು ಗುಂಡಿನ ದಾಳಿ ತಗುಲುವಷ್ಟರಲ್ಲಿ 3 ವರ್ಷದ ಬಾಲಕನನ್ನು ರಕ್ಷಣೆ ಮಾಡಿದ್ದಾರೆ.

  ಶ್ರೀನಗರದಿಂದ 50 ಕಿ.ಮೀ ದೂರದಲ್ಲಿರುವ ಸೊಪೋರ್ ಪಟ್ಟಣದಲ್ಲಿ ನಡೆದ ದಾಳಿಯಲ್ಲಿ ಮೂರು ಕೇಂದ್ರ ಮೀಸಲು ಪೊಲೀಸ್ ಪಡೆ ಜವಾನರಿಗೆ ಗಂಭೀರ ಗಾಯಗಳಾಗಿವೆ.