'ಮುಂದಿನ ವರ್ಷ ಜೂನ್ 2021ರವರೆಗೆ ಉಚಿತ ರೇಷನ್' - ಮಮತಾ ಬ್ಯಾನರ್ಜಿ

•   Tue, Jun 30 2020 06:14:28 PM



• ಕೋಲ್ಕತ್ತಾ, ಜೂ 30(DaijiworldNews/PY): ಉಚಿತ ರೇಷನ್‌ ಅನ್ನು ಮುಂದಿನ ವರ್ಷ ಜೂನ್‌ 2021ರವರೆಗೆ ನೀಡಲಾಗುವುದು ಎಂದು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಘೋಷಿಸಿದ್ದಾರೆ.

  

  ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ವಾಕಿಂಗ್‌‌ಗೆ ಬೆಳಗ್ಗೆ 5.30ರಿಂದ 8.30ರೊಳಗೆ ಅವಕಾಶ ಮಾಡಿಕೊಡಲಾಗಿದೆ. ಕಡ್ಡಾಯವಾಗಿ ಸಾರ್ವಜನಿಕರು ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳಬೇಕು. 50ಕ್ಕಿಂತ ಅಧಿಕ ಮಂದಿ ಶುಭಸಮಾರಂಭಗಳಲ್ಲಿ ಹಾಗೂ 25ಕ್ಕಿಂತ ಅಧಿಕ ಮಂದಿ ತಿಥಿ ಕಾರ್ಯ. ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಳ್ಳುವಂತಿಲ್ಲ ಎಂದು ತಿಳಿಸಿದ್ಧಾರೆ.

  ಅಂತರಾಷ್ಟ್ರೀಯ ವಿಮಾನ ಸಂಚಾರಕ್ಕೆ ಸಂಬಂಧಿಸಿದಂತೆ ಕೇಂದ್ರಕ್ಕೆ ಪತ್ರ ಬರೆದ ಪಶ್ಚಿಮ ಬಂಗಾಳದ ಮುಖ್ಯ ಕಾರ್ಯದರ್ಶಿಗಳು, ಜುಲೈ 15ರವರೆಗೆ ಅಂತರಾಷ್ಟ್ರೀಯ ವಿಮಾನ ಸಂಚಾರವನ್ನು ನಿರ್ಬಂಧಿಸಬೇಕು. ಇದರ ಜೊತೆ ಕೊರೊನಾ ಪೀಡಿತ ಪ್ರದೇಶಗಳಿಂದ ಬರುವ ವಿಮಾನಗಳನ್ನು ನಿರ್ಬಂಧಿಸಬೇಕು. ಜನರ ಸಂಚಾರದ ಅನಕೂಲದ ನಿಟ್ಟಿನಲ್ಲಿ ಮೆಟ್ರೋ ಸಂಚಾರ ಮಾಡಲು ಅವಕಾಶ ಕಲ್ಪಿಸಬೇಕು ಎಂದು ಮನವಿ ಸಲ್ಲಿಸಿದ್ದಾರೆ.