ದೇಶದಲ್ಲಿ ಒಂದೇ ದಿನ 19,906 ಮಂದಿಗೆ ಪಾಸಿಟಿವ್‌ - 410 ಮಂದಿ ಮೃತ್ಯು

•   Sun, Jun 28 2020 11:17:18 AM



• ನವದೆಹಲಿ, ಜೂ. 28 (DaijiworldNews/MB) : ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಏರಿಕೆಯಾಗುತ್ತಲ್ಲೇ ಇದ್ದು ಕಳೆದ ಒಂದು ದಿನದಲ್ಲೇ 19,906 ಮಂದಿಯಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದೆ. ಹಾಗೆಯೇ ಒಂದು ದಿನದಲ್ಲೇ 410 ಮಂದಿ ಸೋಂಕಿನಿಂದಾಗಿ ಸಾವನ್ನಪ್ಪಿದ್ದಾರೆ. ಈ ಮೂಲಕ ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 5,28,859 ಕ್ಕೆ ಏರಿಕೆಯಾಗಿದ್ದು ಈವರೆಗೆ 16,095 ಮಂದಿ ಕೊರೊನಾಗೆ ಬಲಿಯಾಗಿದ್ದಾರೆ.

  

  ಇನ್ನು ದೇಶದಲ್ಲಿ 3,09,713 ಮಂದಿ ಕೊರೊನಾ ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು 2,03,051 ಮಂದಿ ಸೋಂಕಿತರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ದೇಶದಲ್ಲಿ ಒಟ್ಟು ಸೋಂಕಿತರ ಪೈಕಿ ಶೇ.58.5 ಮಂದಿ ಗುಣಮುಖರಾಗಿದ್ದಾರೆ ಎಂದು ವರದಿ ತಿಳಿಸಿದೆ.

  ದೇಶದಲ್ಲಿ ಅಧಿಕ ಕೊರೊನಾ ಪ್ರಕರಣಗಳು ಪತ್ತೆಯಾಗಿರುವ ಮಹಾರಾಷ್ಟ್ರದಲ್ಲಿ 159133 ಜನರಿಗೆ ಸೋಂಕು ದೃಢಪಟ್ಟಿದ್ದು 7273 ಮಂದಿ ಕೊರೊನಾಗೆ ಬಲಿಯಾಗಿದ್ದಾರೆ. 84245 ಮಂದಿ ಗುಣಮುಖರಾಗಿದ್ದು 67615 ಸೋಂಕಿತರು ಚಿಕಿತ್ಸೆ ಪಡೆಯುತ್ತಿದ್ದಾರೆ. ಕರ್ನಾಟಕದಲ್ಲಿ 11923 ಮಂದಿಗೆ ಸೋಂಕು ಪಾಸಿಟಿವ್‌ ಆಗಿದ್ದು 191 ಮಂದಿ ಸಾವನ್ನಪ್ಪಿದ್ದಾರೆ. 4445 ಸಕ್ರಿಯ ಪ್ರಕರಣಗಳಾಗಿದ್ದು 7287 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.

  ತಮಿಳುನಾಡಿನಲ್ಲಿ 1025, ದೆಹಲಿಯಲ್ಲಿ 2558, ಗುಜರಾತ್‌ನಲ್ಲಿ 1789, ಉತ್ತರ ಪ್ರದೇಶದಲ್ಲಿ 649, ಮಧ್ಯಪ್ರದೇಶದಲ್ಲಿ 550, ಪಶ್ಚಿಮ ಬಂಗಾಳದಲ್ಲಿ 629, ರಾಜಸ್ತಾನದಲ್ಲಿ 391, ತೆಲಂಗಾಣದಲ್ಲಿ 243, ಹರ್ಯಾಣದಲ್ಲಿ 218, ಆಂಧ್ರಪ್ರದೇಶದಲ್ಲಿ 157 ಮಂದಿ ಕೊರೊನಾದಿಂದ ಸಾವನ್ನಪ್ಪಿದ್ದಾರೆ.