ರಾಷ್ಟ್ರ ರಾಜಧಾನಿಯಲ್ಲಿ ಭಯೋತ್ಪಾದಕರ ದಾಳಿ ಸುಳಿವು - ಹೈ ಅಲರ್ಟ್ ಘೋಷಣೆ

•   Mon, Jun 22 2020 09:17:15 AM



• ನವದೆಹಲಿ, ಜೂ.22 (DaijiworldNews/MB) : ರಾಷ್ಟ್ರ ರಾಜಧಾನಿಯಲ್ಲಿ ಭಯೋತ್ಪಾದಕ ದಾಳಿ ನಡೆಸುವ ಸಾಧ್ಯತೆಯ ಕುರಿತಾಗಿ ಗುಪ್ತಚರ ಸುಳಿವು ದೊರೆತಿದ್ದು, ಈ ಹಿನ್ನಲೆಯಲ್ಲಿ ದೆಹಲಿಯಲ್ಲಿ ಹೈ ಅಲರ್ಟ್ ಘೋಷಿಸಲಾಗಿದೆ ಎಂದು ವರದಿ ತಿಳಿಸಿದೆ.

  

  ದೆಹಲಿಯ ಗಡಿ ಭಾಗಗಳಲ್ಲಿ ತೀವ್ರ ತಪಾಸಣೆ ನಡೆಸಲಾಗುತ್ತಿದ್ದು ಮಾರುಕಟ್ಟೆ, ಆಸ್ಪತ್ರೆ ಹಾಗೂ ಹೆಚ್ಚು ಜನರು ಇರುವ ಸ್ಥಳಗಳಲ್ಲಿ ಬಿಗಿ ಬಂದೋಬಸ್ತ್‌ ಮಾಡಲಾಗಿದೆ. ಕ್ರೈ ಬ್ರಾಂಚ್, ವಿಶೇಷ ದಳ ಸೇರಿದಂತೆ ದೆಹಲಿಯ 15 ಪೊಲೀಸ್ ವಿಭಾಗಗಳಲ್ಲೂ ಹೈ ಅಲರ್ಟ್ ಘೋಷಿಸಲಾಗಿದೆ.

  ಇನ್ನು ದಾಳಿಯ ಸಂಚು ಹೂಡು ನಾಲ್ಕೈದು ಉಗ್ರರು ದೆಹಲಿಗೆ ಈಗಾಗಲೇ ನುಸುಳಿದ್ದಾರೆ ಎಂದು ಗುಪ್ತಚರ ಏಜೆನ್ಸಿಗಳು ದೆಹಲಿ ಪೊಲೀಸರನ್ನು ಎಚ್ಚರಿಕೆ ನೀಡಿದೆ.