ಲಾಕ್ ಡೌನ್ ಪಾರ್ಟ್ - 2 : ನಾಳೆ ಕೇಂದ್ರದಿಂದ ಹೊಸ ಗೈಡ್ ಲೈನ್ ಪ್ರಕಟ

•   Tue, Apr 14 2020 11:20:20 AM



• ನವದೆಹಲಿ, ಏ 14 (Daijiworld News/MSP): ಕೊರೊನಾ ಸೋಂಕು ಹರಡದಂತೆ ತಡೆಯಲು ಘೋಷಿಸಿದ್ದ 21 ದಿನಗಳ ಲಾಕ್​ಡೌನ್​ ಅವಧಿಯ ಕೊನೇ ದಿನವಾದ ಇಂದು ದೇಶವನ್ನುದ್ದೇಶಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ ನಾಳೆಯಿಂದ ಮೇ 3ರವರೆಗೆ ಲಾಕ್​ಡೌನ್ ವಿಸ್ತರಣೆ ಮಾಡಿದ್ದಾರೆ.

  

  ಏಪ್ರಿಲ್ 20ರವರೆಗೆ ಲಾಕ್ ಡೌನ್ ನ್ನು ಎಲ್ಲಾ ರಾಜ್ಯದಲ್ಲಿ ಕಠಿಣವಾಗಿ ಅನುಷ್ಠಾನಗೊಳಿಸಲಾಗುತ್ತದೆ. ಆ ಬಳಿಕ ಕೊರೊನಾ ನಿಯಂತ್ರಣದ ಪರಿಸ್ಥಿತಿಯನ್ನು ಅವಲೋಕಿಸಿ ಕೆಲವೊಂದು ಅವಶ್ಯಕ ಸೇವೆಗಳಿಗೆ ಅನುಮತಿ ನೀಡುವ ಕುರಿತಾಗಿ ಯೋಚಿಸಲಾಗುವುದು. ಈ ಬಗ್ಗೆ ಕೇಂದ್ರದಿಂದ ಹೊಸ ಗೈಡ್ ಲೈನ್ ಪ್ರಕಟವಾಗಲಿದೆ ಎಂದು ಪ್ರಧಾನಿ ಹೇಳಿದ್ದಾರೆ.

  ಹೊಸ ಗೈಡ್ ಲೈನ್ ನಲ್ಲಿ, ರೈತರ ಬೆಳೆದ ಬೆಳೆಗಳ ಕಟಾವಿನ ಸಮಯ ಇದಾಗಿರುವುದರಿಂದ ರೈತರ ಚಟುವಟಿಗೆಗಳಿಗೆ ವಿನಾಯಿತಿ, ಬ್ಯಾಂಕಿಂಗ್ ಕ್ಷೇತ್ರ , ಕಟ್ಟಡ ನಿರ್ಮಾಣ, ಮೂಲಸೌಕರ್ಯ, ಔಷಧಿ ತಯಾರಿಕಾ ಕಂಪನಿಗಳು , ಮಾಸ್ಕ್ ತಯಾರಿಕೆ, ಸ್ಯಾನಿಟೈಸರ್, ಪಿಪಿಇ ಕಿಟ್ ತಯಾರಿಕೆ, ಸರ್ಜಿಕಲ್ ಗ್ಲೈಸ್, ರಬ್ಬರ್ ಕೋಟೆಡ್, ಏಪ್ರನ್, ರಬ್ಬರ್ ಶೂ, ಸೇರಿದಂತೆ ಇತರೇ ಕ್ಷೇತ್ರಗಳಿಗೆ ಕೆಲವು ಷರತ್ತುಗಳೊಂದಿಗೆ ವಿನಾಯಿತಿ ಘೋಷಿಸುವ ಸಾಧ್ಯತೆ ಇದೆ.

  ಒಟ್ಟಾರೆ ಇಂದಿಗೆ ಮೊದಲನೇ ಹಂತದ ಲಾಕ್​ಡೌನ್ ಮುಗಿದಿದ್ದು, ನಾಳೆಯಿಂದ ಹೊಸ ಮಾರ್ಗಸೂಚಿ ಕ್ರಮಗಳನ್ನ ರಾಜ್ಯ ಸರ್ಕಾರಗಳಿಗೆ ಕೇಂದ್ರ ರವಾನಿಸಿ, ಕ್ರಮಗಳನ್ನ ಅನುಸರಿಸಲೇಬೇಕೆಂದು ಸೂಚನೆ ನೀಡಲಿದೆ.