ಆಸ್ಪತ್ರೆಗೆ ಭೇಟಿಯಾಗಲು ಬಾರದ ರೋಗಿಗಳ ಕುಟುಂಬಸ್ಥರು - ತಮ್ಮ ಕೈಯ್ಯಾರ ರೋಗಿಗಳಿಗೆ ಆಹಾರ ತಿನ್ನಿಸಿದ ವೈದ್ಯರು..!

•   Sun, Apr 05 2020 04:45:58 PM



• ಚೆನ್ನೈ, ಎ.05 (DaijiworldNews/PY) : ಲಾಕ್‌ಡೌನ್‌ ಪರಿಣಾಮ ಹಿನ್ನೆಲೆ ವೈದ್ಯರೇ ರೋಗಿಗಳಿಗೆ ತಮ್ಮ ಕೈಯ್ಯಾರ ಆಹಾರ ತಿನ್ನಿಸುವ ಪರಿಸ್ಥಿತಿ ಬಂದಿದೆ.

  

  ಆಸ್ಪತ್ರೆಯಲ್ಲಿರುವ ತಮ್ಮ ಸಂಬಂಧಿಗಳನ್ನು ರೋಗಿಗಳ ಕುಟುಂಬಸ್ಥರು ಭೇಟಿಯಾಗಲು, ಶುಶ್ರೂಷೆ ಮಾಡಲು ಸಾಧ್ಯವಾಗುತ್ತಿಲ್ಲ. ಮದ್ರಾಸ್ ಮೆಡಿಕಲ್ ಮಿಷನ್ ಕಾಲೇಜ್ ಆಸ್ಪತ್ರೆಯಲ್ಲಿ ದಾಖಲಾದ ರೋಗಿಯೊಬ್ಬರಿಗೆ ಅಲ್ಲಿನ ವೈದ್ಯರು ತಮ್ಮ ಕೈಯ್ಯಾರ ಆಹಾರ ತಿನ್ನಿಸುತ್ತಿರುವ ಫೋಟೋವನ್ನು ಸುದ್ದಿ ಸಂಸ್ಥೆಯೊಂದು ಟ್ವೀಟ್‌ ಮಾಡಿದ್ದಾರೆ.

  ಸಾಮಾಜಿಕ ಜಾಲತಾಣದಲ್ಲಿ ಆ ಫೋಟೋ ಸಾಕಷ್ಟು ವೈರಲ್‌ ಆಗಿದ್ದು, ಫೋಟೋ ನೋಡಿ ವೈದ್ಯರ ಕಾರ್ಯಕ್ಕೆ ಜನರು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ. ಅವರನ್ನು ಹರಿಸಿದ್ದು, ಅವರಿಗಾಗಿ ಪ್ರಾರ್ಥಿಸಿದ್ದಾರೆ. ಅವರನ್ನು ಕೆಲವರಂತೂ ದೇವರು ಎಂದು ಕರೆದಿದ್ದಾರೆ.