ಪಂಜಾಬ್‌ನಲ್ಲಿ ಕೊರೊನಾದಿಂದ ಪದ್ಮ ಶ್ರೀ ಪುರಸ್ಕೃತ ಮೃತ್ಯು

•   Thu, Apr 02 2020 12:10:04 PM



• ಅಮೃತಸರ, ಎ.02 (Daijiworld News/MB): ಪದ್ಮಶ್ರೀ ಪುರಸ್ಕೃತ 67 ವರ್ಷ ವಯಸ್ಸಿನ ಭಾಯ್‌ ನಿರ್ಮಲ್‌ ಸಿಂಗ್‌ ಖಾಸ್ಲಾ ಅವರು ಇಂದು ಮುಂಜಾನೆ 4.30 ರ ವೇಳೆಗೆ ಮೃತಪಟ್ಟಿದ್ದು ಅವರಿಗೆ ಕೊರೊನಾ ವೈರಸ್‌ ಇರುವುದು ಬುಧವಾರ ದೃಢಪಟ್ಟಿದೆ. ಇದರೊಂದಿಗೆ ಪಂಜಾಬ್‌ನಲ್ಲಿ ಕೊರೊನಾಗೆ ಬಲಿಯಾದವರ ಸಂಖ್ಯೆ ಆರಕ್ಕೇರಿದೆ.

  

  ಈ ಬಗ್ಗೆ ಮಾಹಿತಿ ನೀಡಿರುವ ಇಲ್ಲಿನ ಸರ್ಕಾರಿ ಆಸ್ಪತ್ರೆಯ ವೈದ್ಯ ಡಾ. ಪ್ರದೀಪ್‌ ಕೌರ್‌ ಜೋಹಲ್‌, "ಸಿಂಗ್‌ ಅವರು ಅಸ್ತಮಾ ಸಮಸ್ಯೆಯಿಂದಲೂ ಬಳಲುತ್ತಿದ್ದು ಅವರನ್ನು ವೆಂಟಿಲೇಟರ್‌ನಲ್ಲಿ ಇರಿಸಲಾಗಿತ್ತು" ಎಂದು ಹೇಳಿದ್ದಾರೆ.

  ಉಸಿರಾಟದ ಸಮಸ್ಯೆಯಿಂದಾಗಿ ಇಲ್ಲಿನ ಗುರು ರಾಮ್‌ ದಾಸ್‌ ಆಸ್ಪತ್ರೆಗೆ ಸೇರಿಸಲಾಗಿದ್ದು ಬಳಿಕ ಅವರನ್ನು ಗುರು ನಾನಕ್‌ ದೇವ್‌ ಆಸ್ಪತ್ರೆಗೆ ಮಾರ್ಚ್‌ 30ರಂದು ದಾಖಲಿಸಲಾಗಿತ್ತು.