ಏರ್‌ ಇಂಡಿಯಾ ಅಂಗಸಂಸ್ಥೆಯ ಉದ್ಯೋಗಿಗೆ ಕೊರೊನಾ ಪತ್ತೆ

•   Mon, Mar 30 2020 08:52:02 AM



• ನವದೆಹಲಿ, ಮಾ.30 (DaijiworldNews/PY) : ಕೊರೊನಾ ಸೋಂಕು ಏರ್‌ ಇಂಡಿಯಾದ ಅಂಗಸಂಸ್ಥೆಯೊಂದರಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಉದ್ಯೋಗಿಯೊಬ್ಬರಲ್ಲಿ ಭಾನುವಾರ ಪತ್ತೆಯಾಗಿದೆ.

  

  ಕೊರೊನಾ ಸೋಂಕು ಪತ್ತೆಯಾಗಿರುವ ಏರ್‌ ಇಂಡಿಯಾ ಏರ್‌ ಟ್ರಾನ್ಸ್‌ಪೋರ್ಟ್ ಸರ್ವೀಸಸ್‌ ಲಿಮಿಟೆಡ್‌ನ ಮಹಿಳಾ ಉದ್ಯೋಗಿಯನ್ನು ಜೋಗೀಶ್ವರಿಯ ಬಿಎಂಸಿ ಆಸ್ಪತ್ರೆಗ ದಾಖಲಿಸಲಾಗಿದೆ.

  ಎಐಎಟಿಎಸ್‌ಎಲ್‌ ಸಂಸ್ಥೆಯು ಏರ್‌ ಇಂಡಿಯಾದ ಭೂ-ಚಟುವಟಕೆಗಳನ್ನು ನಿರ್ವಹಿಸುವ ಅಂಗಸಂಸ್ಥೆಯಾಗಿದೆ.

  ಸರ್ಕಾರವು ಕಳೆದ ಬುಧವಾರ ವಿಮಾನಗಳ ಹಾರಾಟವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸುವ ಮುನ್ನ ಏರ್‌ ಇಂಡಿಯಾ ವಿಮಾನದಲ್ಲಿ ಈ ಮಹಿಳಾ ಉದ್ಯೋಗಿ ಕಾರ್ಯನಿರ್ವಹಿಸಿದ್ದರು ಎಂದು ತಿಳಿದುಬಂದಿದೆ.