ಕೊರೊನಾ ಭೀತಿ : ತಿಹಾರ್ ಜೈಲಿನಿಂದ 3 ಸಾವಿರ ‌ಕೈದಿಗಳ ಬಿಡುಗಡೆ

•   Tue, Mar 24 2020 10:38:50 AM



• ನವದೆಹಲಿ, ಮಾ. 24 (Daijiworld News/MSP) : ಕೊರೊನಾ ವೈರಸ್​ ಭೀತಿ ಈಗ ಏಷ್ಯಾದ ಅತೀ ದೊಡ್ಡ ಜೈಲು ಎನಿಸಿಕೊಂಡಿರುವ ನವದೆಹಲಿಯ ತಿಹಾರ್​ ಜೈಲಿಗೂ ತಟ್ಟಿದೆ.

  

  ಕೊರೊನಾ ವೈರಸ್​ ವ್ಯಾಪಕವಾಗಿ ಹರಡಬಾರದು ಎಂಬ ನಿಟ್ಟಿನಲ್ಲಿ ಬರೋಬ್ಬರಿ 3,000 ಕೈದಿಗಳನ್ನು ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ. ಈ ಬಗ್ಗೆ ಸ್ವತಃ ತಿಹಾರ್​ ಬಂಧಿಖಾನೆ ಡಿಜಿ ಮಾಹಿತಿ ನೀಡಿದ್ದಾರೆ.

  ಜೈಲಿನಲ್ಲಿ ಕೈದಿಗಳ ಸಂಖ್ಯೆಯೂ ಜಾಸ್ತಿಯಾಗಿದ್ದು, ಕೊರೊನಾವೈರಸ್ ಭೀತಿ ಜನದಟ್ಟಣೆಯನ್ನು ಕಡಿಮೆ ಮಾಡಲು ಮುಂದಾಗಿದ್ದೇವೆ. ಹೀಗಾಗಿ, 1,500 ಅಪರಾದಿಗಳನ್ನು ಪೆರೋಲ್​ ಮೇಲೆ ಬಿಡುಗಡೆ ಮಾಡಲು ನಿರ್ಧರಿಸಿದ್ದೇವೆ ಎಂದಿದ್ದಾರೆ. ಅಲ್ಲದೇ, ವಿಚಾರಣಾಧೀನ ಕೈದಿಗಳನ್ನೂ ಮಧ್ಯಂತರ ಜಾಮೀನನ ಮೇಲೆ ಮೂರ್ನಾಲ್ಕು ದಿನಗಳಲ್ಲಿ ರಿಲೀಸ್​ ಮಾಡಲಿದ್ದೇವೆ ಎಂದಿದ್ದಾರೆ. ಯಾವುದೇ ಕಾರಣಕ್ಕೂ ಡೇಂಜರಸ್​ ಕ್ರಿಮಿನಲ್​ಗಳನ್ನ ಬಿಡುಗಡೆಗೊಳಿಸಲಾಗುವುದಿಲ್ಲ ಎಂದು ತಿಹಾರ್ ಬಂಧಿಖಾನೆ ಡಿಜಿ ತಿಳಿಸಿದ್ದಾರೆ.