ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 27 ಕ್ಕೆ ಏರಿಕೆ - ದೇಶದಲ್ಲಿ 8 ನೇ ಬಲಿ

•   Mon, Mar 23 2020 11:36:08 AM



• ನವದೆಹಲಿ, ಮಾ.23 (Daijiworld News/MSP) : ಎಲ್ಲೆಡೆ ತನ್ನ ಮರಣ ಮೃದಂಗವನ್ನು ಹಬ್ಬಿಸಿರುವ ಕೋವಿಡ್ 19 ವೈರಸ್‌‌ ಈಗ ಭಾರತದಲ್ಲಿ ತನ್ನ ರುದ್ರನರ್ತನ ಆರಂಭಿಸಿದ್ದು 8 ನೇ  ಬಲಿ ಪಡೆದಿದೆ. ಫಿಲಿಪ್ಪಿನ್ಸ್‌ನಿಂದ  ಭಾರತಕ್ಕೆ ಆಗಮಿಸಿದ್ದ 68 ವರ್ಷದ ವ್ಯಕ್ತಿಯೊಬ್ಬರು ಮುಂಬೈನಲ್ಲಿ ಕೊರೊನಾ ಸೋಂಕಿನಿಂದ ಮೃತಪಟ್ಟಿದ್ದರೆಂದು ವರದಿಯಾಗಿದೆ.

  

  ದೇಶಾದ್ಯಂತ ಕೊರೊನಾ ಸೋಂಕಿತರ ಸಂಖ್ಯೆ ದಿನದಿನಕ್ಕೂ ಹೆಚ್ಚಾಗುತ್ತಿದೆ. ಮಹಾರಾಷ್ಟ್ರದಲ್ಲಿ ಸೋಂಕಿತರ ಸಂಖ್ಯೆ 89 ಕ್ಕೆ ಏರಿದೆ.

  ಕರ್ನಾಟಕದಲ್ಲಿ ಮತ್ತೊಂದು ಕೋವಿಡ್-19 ಪ್ರಕರಣ ಪತ್ತೆಯಾಗಿದೆ. ಇದರೊಂದಿಗೆ ಕರ್ನಾಟಕದಲ್ಲಿ ಸೋಂಕಿತರ ಸಂಖ್ಯೆ 27ಕ್ಕೇರಿದೆ.

  ದೇಶದಲ್ಲಿ ಓಟ್ಟು 415 ಕ್ಕೂ ಹೆಚ್ಚು ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.