ಜನಗಣತಿ, ಎನ್‌‌‌ಪಿಆರ್‌‌ ಮುಂದೂಡಲು ಕೇಂದ್ರ ಸಿದ್ದತೆ

•   Sat, Mar 21 2020 01:24:04 PM



• ನವದೆಹಲಿ, ಮಾ.21 (DaijiworldNews/PY) : ಕೊರೊನಾ ವೈರಸ್‌ ಭೀತಿ ಹಿನ್ನೆಲೆ ಎ.1ರಿಂದ ಪ್ರಾರಂಭವಾಗಬೇಕಿದ್ದ ಮನೆಮನೆ ಜನಗಣತಿ ಹಾಗೂ ರಾಷ್ಟ್ರೀಯ ಜನಸಂಖ್ಯೆ ನೋಂದಣಿ ಪ್ರಕ್ರಿಯೆಯನ್ನು ಮುಂದೂಡಲು ಕೇಂದ್ರ ಸರ್ಕಾರ ಸಿದ್ದತೆ ನಡೆಸುತ್ತಿದೆ.

  

  ಕೇಂದ್ರ ಆರೋಗ್ಯ ಸಚಿವಾಲಯವು ತನ್ನ ಮಾರ್ಗಸೂಚಿಯಲ್ಲಿ ಕೊರೊನಾ ವೈರಸ್‌‌‌‌‌‌‌‌ ಹರಡುವುದನ್ನು ತಡೆಗಟ್ಟುವ ಸಲುವಾಗಿ ಹೆಚ್ಚು ಜನ ಸೇರುವುದಕ್ಕೆ ಮತ್ತು ಸಂಪರ್ಕ ಸಾಧಿಸುವುದಕ್ಕೆ ನಿರ್ಬಂಧಿಸಿದೆ. ಹಾಗಾಗಿ ಎನ್‌‌‌ಪಿಆರ್‌‌ ಮತ್ತು ಜನಗಣತಿ ಪ್ರಕ್ರಿಯೆ ಮುಂದುವರಿಯುವುದಿಲ್ಲ ಎಂದು ಸರ್ಕಾರಿ ಮೂಲಗಳು ತಿಳಿಸಿವೆ. ಈ ಬಗ್ಗೆ ಕೇಂದ್ರ ಸರ್ಕಾರದ ಅಧಿಕೃತ ಘೋಷಣೆಯನ್ನು ನಿರೀಕ್ಷಿಸಲಾಗುತ್ತಿದೆ. ಕನಿಷ್ಠ ಒಂದು ತಿಂಗಳು ಜನಗಣತಿ ಹಾಗೂ ಎನ್‌‌ಪಿಆರ್‌‌‌ ಅನ್ನು ಮುಂದೂಡಬೇಕೆಂದು ಕೇಂದ್ರ ಸರ್ಕಾರಕ್ಕೆ ಒಡಿಶಾ ಸರ್ಕಾರ ಪತ್ರ ಬರೆದಿತ್ತು.