ದೇಶದಲ್ಲಿ ಕೊರೊನಾಗೆ ನಾಲ್ಕನೇ ಬಲಿ - ಪಂಜಾಬ್ ನಲ್ಲಿ ಸೋಂಕಿನಿಂದ ವೃದ್ದ ಸಾವು

•   Thu, Mar 19 2020 05:09:40 PM



• ನವದೆಹಲಿ, ಮಾ 19 ( Daijiworld News/MSP): ಕೊರೊನಾ ವೈರಸ್‌ ಸೋಂಕಿಗೆ ಪಂಜಾಬ್ ನಲ್ಲಿ 70 ವರ್ಷದ ವ್ಯಕ್ತಿಯೊಬ್ಬರು ಬಲಿಯಾಗಿದ್ದಾರೆ. ಆ ಮೂಲಕ ಕೋವಿಡ್‌–19ಗೆ ದೇಶದಲ್ಲಿ ಸಾವಿಗೀಡಾದವರ ಸಂಖ್ಯೆ 4 ಕ್ಕೆ ಏರಿದೆ.

  

  ಪಂಜಾಬ್​ನಲ್ಲಿ ಕೊರೊನಾ ಸೋಂಕಿತ ವ್ಯಕ್ತಿ ಕಳೆದ ಒಂದು ವಾರದಿಂದ ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಗುರುವಾರ ಸಾವನ್ನಪ್ಪಿದ್ದಾರೆ. ಚಂಡೀಗಢದಲ್ಲಿ ವ್ಯಕ್ತಿಯೊಬ್ಬರಿಗೆ ಸೋಂಕು ತಗುಲಿರುವ ಹಿನ್ನೆಲೆಯಲ್ಲಿ ಸಾರ್ವಜನಿಕ ಸಾರಿಗೆ ವ್ಯವಸ್ಥೆಯನ್ನು ಗುರುವಾರವಷ್ಟೇ  ಪಂಜಾಬ್​ ಸರ್ಕಾರ ನಿಷೇಧಿಸಿತ್ತು. ಇದಾದ ಕೆಲವೇ ಗಂಟೆಗಳಲ್ಲಿ ಸೋಂಕಿತ ವ್ಯಕ್ತಿ ಪಂಜಾಬ್​ನಲ್ಲಿ  ಮೃತಪಟ್ಟಿದ್ದಾರೆ.

  76 ವರ್ಷದ ಕರ್ನಾಟಕದ ವೃದ್ಧರೊಬ್ಬರು ಕೊರೊನಾ ವೈರಸ್‌ ಸೋಂಕಿನಿಂದ ಸಾವಿಗೀಡಾದ್ದರು. ಮಾತ್ರವಲ್ಲ ಇದೇ ಸೋಂಕಿನಿಂದ 64 ವರ್ಷದ ಮಹಾರಾಷ್ಟ್ರ ವ್ಯಕ್ತಿಯೊಬ್ಬರು ಮರಣ ಹೊಂದಿದ್ದರು.