'ದೇಶವ್ಯಾಪ್ತಿ ಎನ್‌ಆರ್‌ಸಿ ಅಗತ್ಯ' - ಸುಪ್ರೀಂಗೆ ಕೇಂದ್ರ

•   Thu, Mar 19 2020 03:55:58 PM



• ನವದೆಹಲಿ, ಮಾ.19 (Daijiworld News/MB) : ಕೇಂದ್ರ ಸರಕಾರ ಸುಪ್ರೀಂ ಕೋರ್ಟ್‌ಗೆ ಪೌರತ್ವ ತಿದ್ದುಪಡಿ ಕಾಯ್ದೆ ಸಿಂಧುತ್ವವನ್ನು ಪ್ರಶ್ನಿಸಿ ಸಲ್ಲಿಸಲಾಗಿರುವ ಅಪೀಲುಗಳಿಗೆ ಪ್ರತಿ ಅಫಿದಾವಿತ್ ಅನ್ನು ಸಲ್ಲಿಸಿದ್ದು ಯಾವುದೇ ಸಾರ್ವಭೌಮ ರಾಷ್ಟ್ರಕ್ಕೆ ಎನ್‍ಆರ್ ಸಿ ಅಗತ್ಯ ಹಾಗೂ ಈ ಪ್ರಕ್ರಿಯೆ ದೇಶದ ನಾಗರಿಕರು ಹಾಗೂ ನಾಗರಿಕರಲ್ಲದೇ ಇರುವವರನ್ನು ಗುರುತಿಸಲು ಅಗತ್ಯ ಎಂದು ಹೇಳಿದೆ.

  

  ಡಿಸೆಂಬರ್‌ 2004 ರಿಂದ ಎನ್‌ಆರ್‌ಸಿ ಪೌರತ್ವ ಕಾಯ್ದೆ 1955 ಇದರ ಭಾಗವಾಗಿದೆ ಎಂದು ಹೇಳಿದೆ.

  ದೇಶವ್ಯಾಪಿ ಎನ್‍ಆರ್‌‌ಸಿ ಬಿಜೆಪಿಯ 2019 ಚುನಾವಣಾ ಪ್ರಣಾಳಿಕೆಯ ಭಾಗವಾಗಿದ್ದರೂ ಮೋದಿ ಸರಕಾರ ಇದರ ವಿರುದ್ಧ ಕೇಳಿ ಬಂದ ವ್ಯಾಪಕ ವಿರೋಧದ ಹಿನ್ನೆಲೆಯಲ್ಲಿ ತನ್ನ ನಿಲುವು ಬದಲಾವಣೆ ಮಾಡಿತ್ತು.

  ಈ ಕುರಿತಾಗಿ ಗೃಹ ಸಚಿವ ಅಮಿತ್‌ ಶಾ" ಈಗ ರಾಷ್ಟ್ರವ್ಯಾಪ್ತಿ ಎನ್‌ಆರ್‌ಸಿಯ ಚರ್ಚೆ ಅಗತ್ಯವಿಲ್ಲ. ಅದರ ಬಗ್ಗೆ ಸಂಪುಟ ಅಥವಾ ಸಂಸತ್ತಿನಲ್ಲಿ ಚರ್ಚೆಯಾಗಿಲ್ಲ" ಎಂದು ಸಂಸತ್ತಿನಲ್ಲಿ ಹೇಳಿದ್ದರು.

  ಈ ಮೊದಲು ಸಾರ್ವಜನಿಕ ರ್‍ಯಾಲಿಯೊಂದರಲ್ಲಿ ಮಾತನಾಡಿದ್ದ ಪ್ರಧಾನಿ ಮೋದಿ "ದೇಶವ್ಯಾಪ್ತಿ ಎನ್‌ಆರ್‌ಸಿ ಕುರಿತು ಚರ್ಚೆಯೇ ಆಗಿಲ್ಲ" ಎಂದಿದ್ದರು.