ಸಂವಿಧಾನದ ಪೀಠಿಕೆಯಲ್ಲಿ 'ಸಮಾಜವಾದಿ' ಪದ ಅನವಶ್ಯಕ - ನಿಲುವಳಿ ಮಂಡಿಸಲಿರುವ ಬಿಜೆಪಿ ರಾಜ್ಯಸಭಾ ಸದಸ್ಯ

•   Thu, Mar 19 2020 03:14:33 PM



• ನವದೆಹಲಿ, ಮಾ.19 (Daijiworld News/MB) : ಸಂವಿಧಾನದ ಪೀಠಿಕೆಯಿಂದ "ಸಮಾಜವಾದಿ" (ಸೋಶಿಯಲಿಸ್ಟ್) ಎಂಬ ಪದವನ್ನು ತೆಗೆದುಹಾಕಬೇಕು ಎಂದು ಬಿಜೆಪಿಯ ರಾಜ್ಯಸಭಾ ಸದಸ್ಯ ರಾಕೇಶ್ ಸಿನ್ಹಾ ಶುಕ್ರವಾರ ನಿಲುವಳಿ ಮಂಡಿಸಲಿದ್ದಾರೆ.

  

  ಸದ್ಯದ ಸನ್ನಿವೇಶದಲ್ಲಿ ಈ ಪದ "ಅನವಶ್ಯಕ". ಆ ಪದವನ್ನು ತೆಗೆದು ಹಾಕಬೇಕು ಎಂಬುದು ಅವರ ವಾದ.

  ಅವರು ಈ ಮಸೂದೆಯನ್ನು ಶುಕ್ರವಾರ ಸದಸ್ಯರ ಖಾಸಗಿ ಮಸೂದೆ ಮಂಡನೆಗೆ ಅವಕಾಶವಿರುವ ಸಮಯದಲ್ಲಿ ಮಂಡನೆ ಮಾಡಲಿದ್ದು ಈ ಕುರಿತಾದ ನೋಟಿಸ್ ಅನ್ನು ಬುಧವಾರ ಸ್ವೀಕರಿಸಿದ್ದಾರೆ.

  ದೇಶದ ಸಂವಿಧಾನದ ಪೀಠಿಕೆಯಲ್ಲಿ ಸೋಶಿಯಲಿಸ್ಟ್‌ ಹಾಗೂ ಸೆಕ್ಯುಲರ್‌ ಎಂಬ ಪದಗಳನ್ನು ತುರ್ತು ಪರಿಸ್ಥಿತಿ ಸಂದರ್ಭದಲ್ಲಿ 420 ನೇ ತಿದ್ದುಪಡಿ ವೇಳೆ ಸೇರಿಸಲಾಗಿತ್ತು. ಆದರೆ ಈ ಪದವನ್ನು ಪೀಠಿಕೆಗೆ ಸೇರಿಸುವ ಮುನ್ನ ಸಂಸತ್ತಿನಲ್ಲಿ ಯಾವುದೇ ಚರ್ಚೆ ನಡೆದಿಲ್ಲ ಹಾಗೂ ತುರ್ತುಸ್ಥಿತಿಯಲ್ಲಿ ಜನರ ಮೂಲಭೂತ ಹಕ್ಕುಗಳನ್ನು ಹತ್ತಿಕ್ಕಿದ್ದು ಆ ಸಂದರ್ಭದಲ್ಲಿ ತಿದ್ದುಪಡಿ ಮಾಡಿದ್ದರಿಂದ ಆ ಪದವನ್ನು ತೆಗೆದು ಹಾಕಬೇಕು ಎಂದು ಆವರು ಹೇಳಿದ್ದಾರೆ.

  ವೆಲ್ಫೇರ್‌ ಪೊಲಿಟಿಕ್ಸ್‌ಗೆ ಈಗೀನ ನರೇಂದ್ರ ಮೋದಿ ಸರ್ಕಾರ ತನ್ನ ಯೋಜನೆಗಳ ಮೂಲಕವಾಗಿ ಆದ್ಯತೆ ನೀಡಿದೆ. ಹಾಗಿರುವಾಗ ಈಗ ಸಂತಹ ಸಾಂಪ್ರದಾಯಿಕ ಪದ ಅವಶ್ಯಕತೆ ಇಲ್ಲ ಎಂದು ಹೇಳಿದ್ದಾರೆ.

  ಈಗಾಗಲೇ ಹಲವರು ಸಂವಿಧಾನದ ಮೂಲ ಪೀಠಿಕೆಯನ್ನು ಉಳಿಸಬೇಕು ಎಂದು ಆಗ್ರಹ ಮಾಡಿದ್ದಾರೆ.

  2015 ಗಣತಂತ್ರ ದಿನಾಚರಣೆ ಸಂದರ್ಭ ಸರ್ಕಾರ ಬಿಡುಗಡೆ ಮಾಡಿದ್ದ ಜಾಹೀರಾತುಗಳಲ್ಲಿ ಸಂವಿಧಾನದ ಪೀಠಿಕೆಯಲ್ಲಿನ ಸೆಕ್ಯುಲರ್‌ ಹಾಗೂ ಸೋಶಿಯಲಿಸ್ಟ್‌ ಪದಗಳು ನಾಪತ್ತೆಯಾಗಿದ್ದು ಭಾರೀ ವಿವಾದಕ್ಕೆ ಕಾರಣವಾಗಿತ್ತು.