ಕೇರಳದ ಪೊಲೀಸರಿಂದ ಹ್ಯಾಂಡ್ ವಾಶ್ ಜಾಗೃತಿ ಡ್ಯಾನ್ಸ್

•   Wed, Mar 18 2020 02:03:29 PM



• ಕೊಚ್ಚಿ, ಮಾ18( Daijiworld News/MSP): ವಿಶ್ವದೆಲ್ಲೆಡೆ ಕರೋನಾ ವೈರಸ್ ವ್ಯಾಪಕವಾಗಿ ಹಬ್ಬುತ್ತಿದೆ. ಅನೇಕರು ಈ ಸೋಂಕಿಗೆ ತುತ್ತಾಗುತ್ತಿದ್ದಾರೆ. ಕೆಲವರು ಪ್ರಾಣವನ್ನೇ ಬಲಿ ಕೊಟ್ಟಿದ್ದಾರೆ. ಹೀಗಾಗಿ ಈ ಬಗ್ಗೆ ಎಷ್ಟು ಜಾಗೃತಿ ವಹಿಸಿದರೂ ಸಾಲದು.

  

  ಸ್ವಚ್ಚತೆ , ಹಾಗೂ ಎಚ್ಚರಿಕೆ ವಹಿಸುವುದರ ಜೊತೆಗೆ ವಿಶ್ವ ಆರೋಗ್ಯ ಸಂಸ್ಥೆ ಆಗಾಗ್ಗೆ ಸೋಪ್​​​ನಿಂದ ಕೈತೊಳೆದುಕೊಳ್ಳಬೇಕು ಅಂತ ತಿಳಿಸಿದೆ. ಹಾಗೆಂದು ಕೇವಲ ಕಾಟಾಚಾರಕ್ಕೆ ಕೈ ತೊಳೆದುಕೊಂಡರೆ ಸಾಕಾಗುವುದಿಲ್ಲ. ಅದಕ್ಕೂ ಒಂದು ಕ್ರಮವಿದೆ. ಆಗಾಗ್ಗೆ ಈ ಬಗ್ಗೆ ಮಾಧ್ಯಮಗಳ ಮೂಲಕ ಎಚ್ಚರಿಕೆ ನೀಡುವಂತ ಪ್ರಯತ್ನಗಳು ನಡೆಯುತ್ತಿರುತ್ತದೆ.

  ಸೋಂಕು ನಮ್ಮ ಕೈ ಮೂಲಕ ಬಾಯಿ , ಕಣ್ಣು, ಮೂಗಿನಿಂದ ದೇಹದ ಒಳಗೆ ಪ್ರವೇಶಿಸುವುದರಿಂದ ಆಗ್ಗಾಗ್ಗೆ ಕೈ ತೊಳೆಯುವುದು ಉತ್ತಮ ಅಭ್ಯಾಸವಾಗಿದೆ. ಇದಕ್ಕಾಗಿಯೇ ಸಾಮಾಜಿಕ ಜಾಲತಾಣದಲ್ಲಿ ಬಹಳ ಆಕ್ಟಿವ್ ಆಗಿರುವ ಕೇರಳ ಪೊಲೀಸ್ ಇಲಾಖೆ ಹ್ಯಾಂಡ್​​ವಾಶ್​ನ ಮಹತ್ವವನ್ನು ಹೇಳಿದ್ದಾರೆ

  ವಿಶಿಷ್ಟವಾಗಿ ಡ್ಯಾನ್ಸ್​ ಮೂಲಕ ಕೇರಳ ಪೊಲೀಸರು ಹ್ಯಾಂಡ್​​ವಾಶ್​ನ ಮಹತ್ವವನ್ನ ಸಾರುವ ಪ್ರಯತ್ನ ಮಾಡ್ತಿದ್ದಾರೆ. ಕಳಕಾಟ ಎನ್ನುವ ಹಾಡಿಗೆ ಮಾಸ್ಕ್ ಧರಿಸಿ ಹೆಜ್ಜೆ ಹಾಕುತ್ತಾ ಸರಿಯಾದ ರೀತಿಯಲ್ಲಿ ಕೈ ತೊಳೆಯುವ ವಿಧಾನವನ್ನು ವಿವರಿಸಿದ್ದಾರೆ.