ಕೊರೊನಾ: ಭಾರತದಲ್ಲಿ ಸಾವಿನ ಸಂಖ್ಯೆ ಮೂರಕ್ಕೆ ಏರಿಕೆ

•   Tue, Mar 17 2020 01:02:28 PM



• ಮುಂಬೈ, ಮಾ 17 ( Daijiworld News/MSP): ವಿಶ್ವವ್ಯಾಪ್ತಿ ಹರಡಿರುವ ಕೊರೊನಾ ಮಹಾಮಾರಿ ದೇಶಾದ್ಯಂತ ವೇಗವಾಗಿ ಹಬ್ಬಲಾರಂಭಿಸಿದ್ದು, ಇದೇ ಸೋಂಕಿನಿಂದ 64 ವರ್ಷದ ವೃದ್ಧರೊಬ್ಬರು ಮಂಗಳವಾರ ಮೃತಪಟ್ಟಿದ್ದಾರೆ.ಇದರೊಂದಿಗೆ ಭಾರತದಲ್ಲಿ ಕೊರೊನಾ ಸೋಂಕಿಗೆ ಸಾವನ್ನಪ್ಪಿದ್ದವರ ಸಂಖ್ಯೆ 3ಕ್ಕೆ ಏರಿದೆ.

  

  ದೇಶದಲ್ಲಿ ೧೨೫ ಮಂದಿಗೆ ಕೊರೊನಾ ಸೋಂಕು ತಗುಲಿದ್ದು, ಮಹಾರಾಷ್ಟ್ರ ಮೊದಲ ಸ್ಥಾನದಲ್ಲಿದ್ದರೆ, ಕೇರಳ ಎರಡನೇ ಸ್ಥಾನದಲ್ಲಿದೆ. ಮುಂಬೈಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ 64 ವರ್ಷದ ವೃದ್ಧ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.

  ಕಳೆದ ವಾರ ದೆಹಲಿಯಲ್ಲಿ 68 ರ ವೃದ್ಧೆ ಮತ್ತು ಕರ್ನಾಟಕದಲ್ಲಿ 76 ವರ್ಷದ ವೃದ್ದ ಕೊರೊನಾ ಸೋಂಕಿನಿಂದ ಮೃತಪಟ್ಟಿದ್ದರು.