ಸುಪ್ರೀಂಗೂ ತಟ್ಟಿದ ಕೊರೊನಾ ಎಫೆಕ್ಟ್‌‌ -ವರ್ಚುವಲ್‌‌‌‌‌‌‌‌‌ ಕೋರ್ಟ್‌‌ ಪ್ರಾರಂಭಿಸಲು ಚಿಂತನೆ

•   Mon, Mar 16 2020 01:34:50 PM



• ನವದೆಹಲಿ‌‌‌‌‌, ಮಾ.16 (DaijiworldNews/PY) : ಕೊರೊನಾ ಹಿನ್ನೆಲೆ ನ್ಯಾಯಾಲಯಗಳನ್ನು ಸಂಪೂರ್ಣವಾಗಿ ಸ್ಥಗಿತಗೊಳಿಸಲು ಸಾಧ್ಯವಿಲ್ಲ ಎಂದು ಸಿಜೆಐ ಎಸ್.ಎ.ಬೊಬ್ಡೆ ಅವರು ತಿಳಿಸಿದ್ದಾರೆ.

  

  ಈ ವಿಚಾರವಾಗಿ ಸುಪ್ರೀಂ ಕೋರ್ಟ್‌ ನ್ಯಾಯಮೂರ್ತಿಗಳು, ನ್ಯಾಯಾವಾದಿ ಮುಖಂಡರು ಹಾಗೂ ಹಿರಿಯ ವೈದ್ಯರೊಂದಿಗೆ ಸಭೆ ನಡೆಸಿರುವ ಸಿಜೆಐ ಎಸ್.ಎ.ಬೊಬ್ಡೆ ಅವರು ನ್ಯಾಯಾಲಯಗಳನ್ನು ಸಂಪೂರ್ಣ ಸ್ಥಗಿತಗೊಳಿಸುವ ಸಾಧ್ಯತೆಗಳನ್ನು ತಳ್ಳಿಹಾಕಿದ್ದಾರೆ.

  ವರ್ಚುವಲ್‌‌ ಕೋರ್ಟ್‌‌‌ ಆರಂಭಿಸುವ ವಿಚಾರದ ಬಗ್ಗರ ಚಿಂತನೆ ನಡೆಸಲಾಗಿದ್ದು, ಪ್ರಮುಖ ಪ್ರಕರಣಗಳ ವಿಚಾರಣೆಗಳನ್ನು ಮುಂದಿನ ದಿನಗಳಲ್ಲಿ ಅಲ್ಲಿಯೇ ನಡೆಸಲಾಗುವುದು ಎಂದು ಸಭೆಯಲ್ಲಿ ನಿರ್ಧರಿಸಲಾಗಿದೆ.

  ಸಭೆಯಲ್ಲಿ ಪ್ರಮುಖ ನ್ಯಾಯಮೂರ್ತಿಗಳಾದ ಅರುಣ್ ಮಿಶ್ರಾ, ಯು.ಯು.ಲಲಿತ್, ಡಿ.ವೈ.ಚಂದ್ರಚೂಡ್ ಮತ್ತು ಎಲ್.ನಾಗೇಶ್ವರ ರಾವ್ ಪಾಲ್ಗೊಂಡಿದ್ದರು.