ರಾಜ್ಯದ ಎಲ್ಲಾ ಅನುದಾನಿತ, ಸರ್ಕಾರಿ ಕಾಲೇಜುಗಳಿಗೆ 15 ದಿನ ರಜೆ

•   Fri, Mar 13 2020 05:39:59 PM



• ಬೆಂಗಳೂರು, ಮಾ13 ( Daijiworld News/MSP): ರಾಜ್ಯದಲ್ಲಿ ಕೊರೋನಾ ಸೋಂಕು ಮತ್ತಷ್ಟು ವ್ಯಾಪಕವಾಗಿ ಹರಡಂತೆ ಮಹತ್ವದ ಹೆಜ್ಜೆ ಇರಿಸಿರುವ ಕಾಲೇಜು ಶಿಕ್ಷಣ ಇಲಾಖೆ ರಾಜ್ಯದ ಎಲ್ಲಾ ರಜೆ ಘೋಷಣೆಯ ಬೆನ್ನಲ್ಲೇ ನಾಳೆಯಿಂದ 15 ದಿನಗಳ ಕಾಲ ಮಾರ್ಚ್ 28ರ ವರೆಗೆ ರಾಜ್ಯದ ಎಲ್ಲಾ ಕಾಲೇಜುಗಳಿಗೆ ರಜೆ ಘೋಷಣೆ ಮಾಡಿ ಸುತ್ತೋಲೆ ಹೊರಡಿಸಿದೆ.

  

  ಆದರೆ, ಕಾಲೇಜುಗಳ ಕಚೇರಿಗಳಲ್ಲಿ ಎಂದಿನಂತೆ ಕೆಲಸ ಕಾರ್ಯಗಳನ್ನು ನಿರ್ವಹಿಸುವಂತೆ ಸೂಚಿಸಲಾಗಿದೆ.ಈ ಕುರಿತಂತೆ ಸುತ್ತೋಲೆ ಹೊರಡಿಸಿರುವ ಕಾಲೇಜು ಶಿಕ್ಷಣ ಇಲಾಖೆ, ಕೊರೊನಾ ಸೋಂಕು ವೈರಸ್ ಹರಡದಂತೆ ಮುನ್ನೆಚ್ಚರಿಕೆಯ ಕ್ರಮವಾಗಿ ರಾಜ್ಯದ ಕಾಲೇಜುಗಳಿಗೆ 15 ದಿನಗಳ ಕಾಲ ರಜೆ ಘೋಷಿಸಿಲಾಗಿದೆ ಎಂದು ತಿಳಿಸಿದೆ.

  ಹೀಗಾಗಿ ಮಾರ್ಚ್‌ 28ರವರೆಗೆ ಯಾವುದೇ ಸರಕಾರಿ ಹಾಗೂ ಅನುದಾನಿತ ಕಾಲೇಜುಗಳಲ್ಲಿ ತರಗತಿಗಳನ್ನು ನಡೆಸುವಂತಿಲ್ಲ.