ಆರೋಗ್ಯ ಸಚಿವರ ಹೆಸರಿನಲ್ಲಿ ನಕಲಿ ಟ್ವೀಟ್‌‌ -ಪೊಲೀಸ್‌ ಆಯುಕ್ತರಿಗೆ ದೂರು

•   Thu, Mar 12 2020 06:28:24 PM



• ಬೆಂಗಳೂರು, ಮಾ.12 (DaijiworldNews/PY) : ಆರೋಗ್ಯ ಸಚಿವ ಬಿ.ಶ್ರೀರಾಮುಲು ಅವರ ಹೆಸರಿನಲ್ಲಿ ಕೊರೊನಾ ಬಗ್ಗೆ ನಕಲಿ ಟ್ವೀಟ್‌‌ ಮಾಡಲಾಗಿದೆ.

  

  ಟ್ವೀಟ್‌ನಲ್ಲಿ ಶ್ರೀರಾಮುಲು ಅವರೇ ಹೇಳಿದ ರೀತಿಯಲ್ಲಿ, ಗಂಜಲ ಕುಡಿಯುವುದರಿಂದ ಹಾಗೂ ದೇಹಕ್ಕೆ ಸಗಣಿಯನ್ನು ಸವರಿಕೊಳ್ಳುವುದರಿಂದ ಕೊರೊನಾ ವೈರಸ್‌‌ ತಡೆಗಟ್ಟಬಹುದು ಎಂದು ಹೇಳಲಾಗಿದೆ.

  ನಕಲಿ ಟ್ವೀಟ್‌‌ ಬಗ್ಗೆ ಶ್ರೀರಾಮುಲು ಅವರು ಗುರುವಾರ ನಗರದ ಪೊಲೀಸ್‌‌ ಕಮಿಷನರ್ ಭಾಸ್ಕರ್ ರಾವ್ ಅವರಿಗೆ ದೂರು ನೀಡಿದ್ಧಾರೆ.

  ನನ್ನ ಹೆಸರಿನಲ್ಲಿ ಯಾರೋ ಕಿಡಿಗೇಡಿಗಳು ನಕಲಿ ಟ್ವೀಟ್‌ ಮಾಡಿದ್ಧಾರೆ. ಜನರಿಗೆ ತಪ್ಪು ಸಂದೇಶ ರವಾನಿಸಿದ್ಧಾರೆ ಎಂದು ಶ್ರೀರಾಮುಲು ಅವರು ತಿಳಿಸಿದ್ದಾರೆ.

  #COVID19 ತರಹದ ಗಂಭೀರ ವಿಷಯದಲ್ಲಿ, ನನ್ನ ಹೆಸರು ಬಳಸಿ #FakeNews (ಸುಳ್ಳು ಸುದ್ದಿ) ಹರಡುತ್ತಿರುವವರ ವಿರುದ್ಧ ಕಾನೂನು ರೀತಿಯ ಕ್ರಮ ಕೈಗೊಳ್ಳಲು @CPBlr ಅವರಿಗೆ ಮನವಿ ಮಾಡಲಾಗಿದೆ. ಇಂತಹ ಸಮಯದಲ್ಲಿ ನಾಗರಿಕರಿಗೆ ಸರಿಯಾದ ಮಾಹಿತಿ ನೀಡಿ, ಆತ್ಮವಿಶ್ವಾಸ ತುಂಬುವ ಪ್ರಯತ್ನ ಮಾಡಬೇಕೆ ಹೊರತು, ಗೊಂದಲ ಸೃಷ್ಟಿಸುವ ಪ್ರಯತ್ನಕ್ಕೆ ಕೈಹಾಕಬೇಡಿ pic.twitter.com/5gnBpqFgfx

  — B Sriramulu (@sriramulubjp) March 12, 2020