ಈರುಳ್ಳಿಯನ್ನು ತುಂಡರಿಸಿ ಉಪ್ಪು ಹಾಕಿ ತಿಂದು ಕೊರೊನಾದಿಂದ ದೂರವಿರಿ - ಸಿ.ಎಂ ಇಬ್ರಾಹಿಂ

•   Tue, Mar 10 2020 04:15:15 PM



• ಬೆಂಗಳೂರು, ಮಾ 10 (Daijiworld News/MSP): ಈರುಳ್ಳಿಯನ್ನು ತುಂಡರಿಸಿ ಮಾಡಿ ಅದಕ್ಕೆ ಉಪ್ಪು ಹಾಕಿ ದಿನಕ್ಕೆ ಮೂರು ಸಾರಿ ತಿಂದರೆ ಕೊರೊನಾ ವೈರಸ್ ಬರುವುದಿಲ್ಲ ಎಂದು ಮಾಜಿ ಸಚಿವ ಸಿ ಎಂ ಇಬ್ರಾಹಿಂ ಹೇಳಿದ್ದಾರೆ.

  

  ವಿಧಾನಸೌಧದಲ್ಲಿ ಮಾತನಾಡುತ್ತ ಈ ವಿಚಾರವನ್ನು ತಿಳಿಸಿದ್ದು,ಕೊರೊನಾ ವೈರಸ್ ಅನ್ನು ಸರ್ಕಾರ ಗಂಭೀರವಾಗಿ ತೆಗೆದುಕೊಳ್ಳಬೇಕು ಚೀನಾ, ಇಟಲಿಯಲ್ಲಿ ವೈದ್ಯಕೀಯ ಯಂತ್ರಗಳು ಉತ್ತಮವಾಗಿದ್ದು, ಅಲ್ಲಿ ಕ್ಷಣ ಮಾತ್ರದಲ್ಲಿ ಸ್ಕ್ಯಾನ್‌ ಮಾಡಿದರೆ ಕರೋನಾ ವೈರಸ್‌ ಪೀಡಿತ ವ್ಯಕ್ತಿಯನ್ನು ಪತ್ತೆ ಹಚ್ಚಬಹುದಾಗಿದೆ. ಆದರೆ ಭಾರತದಲ್ಲಿ ಸೊಂಕಿತ ವ್ಯಕ್ತಿಯ ರಕ್ತ ಪರೀಕ್ಷೆಗೆ ಎರಡು ದಿವಸ ತೆಗೆದುಕೊಳ್ಳಲಾಗುತ್ತದೆ

  ರಾಜ್ಯದಲ್ಲಿ ಸರಿಯಾದ ತಪಾಸಣಾ ಕೇಂದ್ರಗಳಿಲ್ಲ. ನಮ್ಮ ರಕ್ತಪರೀಕ್ಷೆ ನಡೆಸಿ ಕೊರೊನಾ ವೈರಸ್ ಪತ್ತೆ ಹಚ್ಚುವುದರೊಳಗೆ ರೋಗಿ ಸಾವನ್ನಪ್ಪಿರುತ್ತಾನೆ ಎಂದರು.

  ಇನ್ನು ಸಿ ಎಂ ಇಬ್ರಾಹಿಂ ಹೇಳಿದ ಈರುಳ್ಳಿ ಜೌಷಧಿ ಎಷ್ಟು ಫಲಕಾರಿಯಾಗಿದೆಯೋ ಗೊತ್ತಿಲ್ಲ. ಆದರೆ ಇದು ನಾಟಿ ಜೌಷಧಿಯಾಗಿ ಬಳಸುತ್ತಾರೆ ಎಂದು ಹೇಳಿದ್ದಾರೆ