'ಮೋಹನ್‌‌ ಭಾಗವತ್‌‌‌ ಹತ್ಯೆ ಸಂಚು ಖಂಡನಾರ್ಹ' -ಬಿ‌.ಸಿ.ಪಾಟೀಲ್

•   Mon, Mar 09 2020 12:38:27 PM



• ಬೆಂಗಳೂರು, ಮಾ.09 (DaijiworldNews/PY) : "ಆರ್‌‌ಎಸ್‌ಎಸ್‌‌‌‌ ಮುಖ್ಯಸ್ಥ ಮೋಹನ್‌‌ ಭಾಗವತ್‌‌‌ ಅವರ ಹತ್ಯೆ ಸಂಚು ಖಂಡನೀಯ. ಈ ಬಗ್ಗೆ ಗೃಹ ಇಲಾಖೆ ಸೂಕ್ತ ಕ್ರಮ ತೆಗೆದುಕೊಳ್ಳಬೇಕು" ಎಂದು ಕೃಷಿ ಸಚಿವ ಬಿ‌.ಸಿ.ಪಾಟೀಲ್ ಹೇಳಿದ್ದಾರೆ.

  

  ವಿಧಾನಸಭೆ ಕಲಾಪಕ್ಕೂ ಮೊದಲು ವಿಧಾನಸೌಧದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, "ರಾಷ್ಟ್ರೀಯವಾದಿಗಳ ಮೇಲೆ ಹತ್ಯೆಗೆ ಸಂಚು ಮಾಡಲಾಗಿದೆ ಎಂಬ ವಿಚಾರದ ಬಗ್ಗೆ ಗುಪ್ತಚರ ಇಲಾಖೆ ಮಾಹಿತಿ ನೀಡಿದೆ ಎನ್ನುವುದು ತಿಳಿದುಬಂದಿದೆ. ಈ ವಿಚಾರವಾಗಿ ಗೃಹ ಇಲಾಖೆ ಸೂಕ್ತ ಕ್ರಮ ತೆಗೆದುಕೊಳ್ಳಬೇಕು ಎಂದು ಮನವಿ ಮಾಡುವೆ" ಎಂದು ಹೇಳಿದರು.

  ಆರ್‌ಎಸ್‌ಎಸ್ ಕಚೇರಿ ಮೇಲೆ ದಾಳಿ ನಡೆಯುವ ಹಾಗೂ ಆರ್‌ಎಸ್‌ಎಸ್‌ ಮುಖಂಡರನ್ನು ಹತ್ಯೆ ಮಾಡುವ ವಿಚಾರವು ಗ್ಲೋಬಲ್‌‌‌‌ ಟೆರರಿಸ್ಟ್‌‌ ಗ್ರೂಪ್‌‌ನಲ್ಲಿ ಮಾಹಿತಿ ಹರಿದಾಡುತ್ತಿದೆ ಎಂದು ರಾಜ್ಯದ ಪೊಲೀಸರಿಗೆ ಕೇಂದ್ರ ಗುಪ್ತದಳದ ಅಧಿಕಾರಿಗಳು ಎಚ್ಚರಿಕೆ ಸಂದೇಶ ನೀಡಿದ್ಧಾರೆ.