ಚೆಕ್‌‌ನಲ್ಲಿ ಪಾವತಿ ಉದ್ದೇಶ ಅವಕಾಶ- ಸುಪ್ರೀಂ ಸಲಹೆ

•   Mon, Mar 09 2020 07:19:25 AM



• ನವದೆಹಲಿ‌‌, ಮಾ.09(DaijiworldNews/PY) : ಹೆ‌ಚ್ಚುತ್ತಿರುವ ಚೆಕ್‌‌‌‌ ಬೌನ್ಸ್‌‌‌‌ ಕೇಸುಗಳ ಹಿನ್ನೆಲೆಯಲ್ಲಿ ಹೊಸ ಮಾದರಿಯ ಚೆಕ್‌‌ಗಳನ್ನು ಆರ್‌‌ಬಿಐ ಮುದ್ರಿಸಬೇಕು. ಅದರಲ್ಲಿ ಯಾವ ವಿಚಾರವಾಗಿ ಪಾವತಿ ಮಾಡಲಾಗುತ್ತದೆ ಎಂಬ ಅಂಶವನ್ನು ಉಲ್ಲೇಖಿಸಲು ಅವಕಾಶ ನೀಡಬೇಕು ಎಂದು ಸುಪ್ರೀಂ ಕೋರ್ಟ್‌‌‌ ಸಲಹೆ ಮಾಡಿದೆ. ಹಾಗಾಗಿ ಈ ಮುಖಾಂತರ ಚೆಕ್‌‌‌‌ ಪಾವತಿ ಮೇಲಿನ ವಿಶ್ವಾಸ ವೃದ್ದಿಯಾಗುವಂತೆ ಮಾಡಬಹುದಾಗಿದೆ ಎಂದು ತಿಳಿಸಿದೆ.

  

  ಅಲ್ಲದೇ, ಇದರೊಂದಿಗೆ ನೆಗೋಶಿಯೇಬಲ್‌‌‌‌ ಇನ್‌ಸ್ಟ್ರೆಮೆಂಟ್‌ ಕಾಯ್ದೆಯ ಸೆಕ್ಷನ್‌ 138ರ ಅನ್ವಯ ಬೌನ್ಸ್‌ ಪ್ರಕರಣಗಳನ್ನು ತ್ವರಿತವಾಗಿ ಇತ್ಯರ್ಥ ಮಾಡಬೇಕಾದ ಅಗತ್ಯವಿದೆ ಎಂದು ಮುಖ್ಯ ನ್ಯಾಯಮೂರ್ತಿ ನ್ಯಾ| ಎಸ್‌.ಎ. ಬೋಬ್ಡೆ ಅವರನ್ನೊಳಗೊಂಡ ನ್ಯಾಯಪೀಠ ತಿಳಿಸಿದೆ.

  ಗುಜರಾತ್‌‌ನ ಹದಿನೈದು ವರ್ಷಗಳಷ್ಟು ಹಳೆಯದಾಗಿರುವ ಚೆಕ್‌‌‌ ಬೌನ್ಸ್‌‌‌ ಪ್ರಕರಣ ಸಂಬಂಧದ ಅರ್ಜಿ ವಿಚಾರಣೆಯ ಸಂದರ್ಭ ನ್ಯಾಯಪೀಠ ಈ ರೀತಿ ತಿಳಿಸಿದೆ.