ಸಿಎಎ ಗಲಭೆ ಆರೋಪಿಗಳಿರುವ ಫಲಕ ಪ್ರದರ್ಶನ-ನಾಳೆ ತೀರ್ಪು-ಅಲಹಾಬಾದ್‌‌ ಹೈಕೋರ್ಟ್‌‌‌‌‌‌‌

•   Sun, Mar 08 2020 09:42:42 PM



• ಲಕ್ನೋ‌‌, ಮಾ.08 (DaijiworldNews/PY) : ಸಿಎಎ ವಿರುದ್ದದ ಪ್ರತಿಭಟನೆಗೆ ಸಂಬಂಧಿಸಿದ ಮೊಕದ್ದಮೆ ದಾಖಲಿಸಲಾಗಿರುವ 57 ಮಂದಿಯ ಹೆಸರು ಹಾಗೂ ವಿವರಗಳನ್ನು ಒಳಗೊಂಡ ಬೃಹತ್‌‌ ಫಲಕಗಳನ್ನು ಉತ್ತರ ಪ್ರದೇಶ ಸರ್ಕಾರ ಪ್ರದರ್ಶಿಸಿತ್ತು. ಈ ವಿಚಾರವಾಗಿ ಆಕ್ಷೇಪ ವ್ಯಕ್ತವಾಗಿದ್ದು, ಉತ್ತರ ಪ್ರದೇಶದ ಅಧಿಕಾರಿಗಳನ್ನು ಅಲಹಾಬಾದ್‌‌ ಹೈಕೋರ್ಟ್‌‌‌‌‌‌‌ ತರಾಟೆಗೆ ತೆಗೆದುಕೊಂಡಿದೆ.

  

  ಈ ವಿಚಾರದ ಬಗ್ಗೆ ಮುಖ್ಯ ನ್ಯಾಯಮೂರ್ತಿ ಗೋವಿಂದ್ ಮಾಥುರ್, ನ್ಯಾಯಮೂರ್ತಿ ರಮೇಶ್ ಸಿನ್ಹಾ ಅವರಿದ್ದ ನ್ಯಾಯಪೀಠವು ಭಾನುವಾರ ಬೆಳಿಗ್ಗೆ 10 ಗಂಟೆಗೆ ವಿಶೇಷ ವಿಚಾರಣೆ ನಡೆಸಿದ್ದು, ಸಾರ್ವಜನಿಕವಾಗಿ ಪ್ರತಿಭಟನಾಕಾರರ ಚಿತ್ರ ಹಾಗೂ ವಿವರಗಳನ್ನು ಪ್ರದರ್ಶಿಸಿದ್ದು ಅತಿರೇಕದ ಪರಮಾವಧಿ. ಇದು ವ್ಯಕ್ತಿ ಸ್ವಾತಂತ್ರ್ಯಕ್ಕೆ ಧಕ್ಕೆ ತಂದ ಕ್ರಮ ಎಂದು ತಿಳಿಸಿದ್ದಾರೆ.

  ಸಾರ್ವಜನಿಕವಾಗಿ ಆರೋಪಿಗಳ ವಿವರಗಳನ್ನು ಪ್ರದರ್ಶಿಸಿರುವ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿದ್ದ ವಿಭಾಗೀಯ ನ್ಯಾಯಪೀಠವು ವಿಶೇಷ ವಿಚಾರಣೆಯನ್ನು ಭಾನುವಾರ ಬೆಳಿಗ್ಗೆ 10 ಗಂಟೆಗೆ ನಡೆಸಿದ್ದು, ಮಾ.9 ಸೋಮವಾರ ಮಧ್ಯಾಹ್ನ 2 ಗಂಟೆಗೆ ತೀರ್ಪು ಕಾಯ್ದಿರಿಸಿದೆ.