'ಕಾಂಗ್ರೆಸ್‌‌ ಪಕ್ಷಕ್ಕೆ ಕತ್ತೆಯೂ ಹೋಗುವುದಿಲ್ಲ' -ನಳಿನ್‌ ಕುಮಾರ್‌ ಕಟೀಲ್‌

•   Sat, Mar 07 2020 09:49:17 PM



• ಬಾಗಲಕೋಟೆ, ಮಾ.07 (DaijiworldNews/PY) : "ಕಾಂಗ್ರೆಸ್‌‌‌ ಇಡೀ ದೇಶದಲ್ಲಿ ಮುಳುಗುತ್ತಿದೆ. ಕತ್ತೆಯೂ ಆ ಪಕ್ಷಕ್ಕೆ ಹೋಗದಂತಹ ಸ್ಥಿತಿಯಿದೆ" ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್‌ ಕುಮಾರ್‌ ಕಟೀಲ್‌ ಹೇಳಿದ್ದಾರೆ.

  

  ಬಿಜೆಪಿ ನೂತನ ಅಧ್ಯಕ್ಷರ ಪದಗ್ರಹಣ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, "ಒಬ್ಬ ರಾಜ್ಯಾಧ್ಯಕ್ಷರನ್ನೂ ರಾಷ್ಟ್ರೀಯ ಪಕ್ಷವಾಗಿರುವ ಕಾಂಗ್ರೆಸ್‌ಗೆ ನೇಮಕ ಮಾಡಲಾಗಲಿಲ್ಲ. ಹಾಗಾಗಿ ಇಡೀ ರಾಜ್ಯದ ಜನರಿಗೆ ಕಾಂಗ್ರೆಸ್‌‌‌‌‌ನ ಪರಿಸ್ಥಿತಿ ಏನಾಗಿದೆ ಎಂದು ಗೊತ್ತಾಗಿದೆ. ಈ ಹಿಂದೆ ಕಾಂಗ್ರೆಸ್‌‌ನ ಪ್ರತಿಯೊಂದು ಕಾರ್ಯಕ್ರಮದಲ್ಲಿಯೂ ಸೋನಿಯಾ, ರಾಹುಲ್‌‌‌‌ ಜೈಕಾರ ಕೇಳಿ ಬರುತ್ತಿತ್ತು. ಆದರೆ, ಇಂದು ಭಾರತಾಂಬೆಯ ಉದ್ಗೋಷಗಳು ಕೇಳಿಬರುತ್ತಿವೆ. ನಮ್ಮ ಹೆಮ್ಮೆಯ ಪ್ರಧಾನಿ ಮೋದಿ ಅವರು ಈ ವಾತಾವರಣವನ್ನು ನಿರ್ಮಿಸಿದ್ದಾರೆ" ಎಂದು ತಿಳಿಸಿದರು.