ಪ್ರಧಾನಿ ಮೋದಿ ವಿದೇಶ ಪ್ರವಾಸಕ್ಕೆ 446.52 ಕೋಟಿ. ರೂ ಖರ್ಚು

•   Thu, Mar 05 2020 12:48:20 PM



• ನವದೆಹಲಿ, ಮಾ.05 (DaijiworldNews/PY) : ಕಳೆದ ಐದು ವರ್ಷಗಳಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ವಿದೇಶ ಭೇಟಿಗಳಿಗೆ 446.52 ಕೋಟಿ. ರೂ ವೆಚ್ಚವಾಗಿದೆ ಎಂದು ಲೋಕಸಭೆಗೆ ವಿದೇಶಾಂಗ ಸಚಿವಾಲಯದ ಸಹಾಯಕ ಸಚಿವ ವಿ.ಮುರಳೀಧರನ್‌ ಮಾಹಿತಿ ನೀಡಿದ್ದಾರೆ.

  

  ಪ್ರಧಾನಿ ನರೇಂದ್ರ ಮೋದಿ ಅವರ ವಿದೇಶ ಭೇಟಿಗಳ ವೆಚ್ಚದೊಂದಿಗೆ ಅವರ ವಿಶೇಷ ವಿಮಾನದ ವೆಚ್ಚವೂ ಸೇರಿದೆ ಎಂದೂ ತಿಳಿಸಿದ್ದಾರೆ.

  ವಿ.ಮುರಳೀಧರನ್‌ ಅವರು ನೀಡಿದ ಮಾಹಿತಿ ಪ್ರಕಾರ, 2015-16ರಲ್ಲಿ 121.85 ಕೋಟಿ ರೂ., 78.52 ಕೋಟಿ ರೂ. 2016-17ರಲ್ಲಿ, 2017-18ರಲ್ಲಿ 99.90 ಕೋಟಿ ರೂ., 2018-19ರಲ್ಲಿ 100.02 ಕೋಟಿ ರೂ. ಸೇರಿದೆ. 2019-20ರಲ್ಲಿ 46.23 ಕೋಟಿ ರೂ. ಪ್ರಧಾನಿ ಅವರ ವಿದೇಶ ಪ್ರವಾಸಕ್ಕೆ ಖರ್ಚುಮಾಡಲಾಗಿದೆ.

  ಒಟ್ಟಾರೆ ಖರ್ಚಿನ ಮಾಹಿತಿಯನ್ನು ಸಚಿವರು ನೀಡಿದ್ದರೂ, ಯಾವ ಯಾವ ಕಾರಣಕ್ಕೆ ಖರ್ಚುಮಾಡಲಾಗಿದೆ ಎಂದು ತಿಳಿಸಿಲ್ಲ.