ಭಾರತಕ್ಕೆ ಬಂದಿರುವ 21 ಇಟಲಿ ಪ್ರವಾಸಿಗರ ಪೈಕಿ 15 ಮಂದಿಯಲ್ಲಿ ಕೊರೋನಾ ಪತ್ತೆ

•   Wed, Mar 04 2020 12:19:49 PM



• ನವದೆಹಲಿ, ಮಾ. 04 (Daijiworld News/MB) : ಭಾರತಕ್ಕೆ ಬಂದಿರುವ 15 ಮಂದಿ ಇಟಲಿ ಪ್ರವಾಸಿಗರಿಗೆ ಕೊರೋನಾ ವೈರಸ್‌ ಸೋಂಕು ತಗಲಿರುವುದು ದೃಢವಾಗಿದ್ದು ಇದೀಗ ಭಾರತದಲ್ಲಿ ಕೊರೋನಾ ವೈರಸ್‌ ಪೀಡಿತರ ಸಂಖ್ಯೆ 28 ಕ್ಕೆ ಏರಿದೆ. 

  

  ಜೈಪುರದಲ್ಲಿ ಇಟಲಿ ಪ್ರವಾಸಿಯೊಬ್ಬರಲ್ಲಿ ಮಂಗಳವಾರ ಕೊರೋನಾ ವೈರಸ್‌ ಪತ್ತೆಯಾಗಿತ್ತು.

  ಹಾಗೆಯೇ ನೋಯ್ಡಾದಲ್ಲಿ ಆರು ಮಂದಿಗೆ ಕೊರೋನಾ ವೈರಸ್‌ ತಗಲಿರುವ ಶಂಕೆ ಉಂಟಾಗಿದ್ದು ಅವರಿಗೆ ಕೊರೋನಾ ವೈರಸ್‌ ತಗಲಿಲ್ಲ ಎಂದು ಪರೀಕ್ಷೆಯಲ್ಲಿ ತಿಳಿದು ಬಂದಿದೆ.

  ಕೇಂದ್ರ ಆರೋಗ್ಯ ಸಚಿವಾಲಯ ಈ ಕುರಿತಾಗಿ ಮಾತನಾಡಿ, "ರೋಗಿಯನ್ನು ಪ್ರತ್ಯೇಕವಾಗಿ ಇರಿಸಲಾಗಿದೆ. ಅವರ ಸ್ಥಿತಿ ಸ್ಥಿರವಾಗಿದೆ" ಎಂದು ಹೇಳಿತ್ತು.

  ರೋಗಿಯ ಜೊತೆಯಲ್ಲಿದ್ದ ಇಟಲಿಯ 21 ಪ್ರವಾಸಿಗರು ಮತ್ತು ಮೂವರು ಭಾರತೀಯರನ್ನು (ಬಸ್‌ ಚಾಲಕ, ನಿರ್ವಾಹಕ, ಗೈಡ್‌) ಪ್ರತ್ಯೇಕಿಸಲಾದ ನಿಗಾ ಕೇಂದ್ರದಲ್ಲಿ ಇರಿಸಲಾಗಿತ್ತು. ಇವರಿಗೆ ಸೋಂಕು ತಗಲಿದೆಯೇ ಎಂದು ಪರೀಕ್ಷೆ ನಡೆಸಲಾಗಿತ್ತು.