'ಆಡಳಿತದಲ್ಲಿ ಯಾರ ಹಸ್ತಕ್ಷೇಪವೂ ಇಲ್ಲ' - ಅಶ್ವತ್ಥ ‌ನಾರಾಯಣ

•   Mon, Feb 24 2020 12:11:29 PM



• ಕಲಬುರ್ಗಿ, ಫೆ 24 (Daijiworld News/MB) : ‌ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಪುತ್ರ ಬಿ.ವೈ.ವಿಜಯೇಂದ್ರ ಸೇರಿದಂತೆ ‌ಯಾರದ್ದು ಕೂಡಾ ಆಡಳಿತದಲ್ಲಿ ‌ಹಸ್ತಕ್ಷೇಪವಿಲ್ಲ ಎಂದು ಉಪಮುಖ್ಯಮಂತ್ರಿ ‌ಡಾ.ಸಿ.ಎನ್. ಅಶ್ವತ್ಥ ‌ನಾರಾಯಣ ಸ್ಪಷ್ಟನೆ ನೀಡಿದ್ದಾರೆ.

  

  ನಗರಕ್ಕೆ ‌ವಿವಿಧ ‌ಕಾರ್ಯಕ್ರಮಗಳಲ್ಲಿ ಭಾಗಿಯಾಗಲು ಬಂದಿದ್ದ ಅವರು ಮಾಧ್ಯಮದೊಂದಿಗೆ ಮಾತನಾಡಿ, "ಅನಾಮಧೇಯ ಪತ್ರಕ್ಕೆ ಬಹಳಷ್ಟು ಮಹತ್ವ ‌ನೀಡುವ ಅವಶ್ಯಕತೆಯಿಲ್ಲ" ಎಂದು ಹೇಳಿದ್ದಾರೆ.

  ಕೇಂದ್ರದಿಂದ ರಾಜ್ಯದ ತೆರಿಗೆ ಪಾಲು ಬಾರದಿರುವ ಹಿನ್ನಲೆಯಲ್ಲಿ ಮಾತನಾಡಿದ ಅವರು, "ಈ ವಿಚಾರದಲ್ಲಿ ಉಪಮುಖ್ಯಮಂತ್ರಿ, ಹಣಕಾಸು ಇಲಾಖೆ ಅಧಿಕಾರಿಗಳು ಕಾರ್ಯಪ್ರವೃತ್ತರಾಗಿದ್ದಾರೆ" ಎಂದು ತಿಳಿಸಿದ್ದಾರೆ.

  ಹಾಗೆಯೇ ಗುಲ್ಭರ್ಗ ವಿ.ವಿ. ಕುಲಪತಿ ನೇಮಕ ‌ವಿಳಂಬವಾಗುತ್ತಿರುವ ಕುರಿತಾಗಿ ಮಾತನಾಡಿದ ಅವರು, "ವಿ.ವಿ. ಕುಲಪತಿ ‌ಹಾಗೂ ಖಾಲಿ ಇರುವ ಪ್ರಾಧ್ಯಾಪಕ ಹುದ್ದೆಗಳ ನೇಮಕಾತಿ ಮಾಡಲು ಕ್ರಮ ತೆಗೆದು ಕೊಳ್ಳಲಾಗುವುದು" ಎಂದರು.