'ಕಾಂಗ್ರೆಸ್‌‌ ಪಕ್ಷದ ಪುನಶ್ಚೇತನಕ್ಕಾಗಿ ಅಧ್ಯಕ್ಷ ಸ್ಥಾನದ ಅನಿಶ್ಚಿತತೆಯನ್ನು ಹೋಗಲಾಡಿಸಬೇಕು'-ಶಶಿ ತರೂರ್

•   Sun, Feb 23 2020 07:53:44 PM



• ನವದೆಹಲಿ, ಫೆ.23 (DaijiworldNews/PY) : "ಕಾಂಗ್ರೆಸ್‌‌ ಪಕ್ಷದ ಪುನಶ್ಚೇತನಕ್ಕಾಗಿ ಅಧ್ಯಕ್ಷ ಸ್ಥಾನದ ಮೇಲಿನ ಅನಿಶ್ಚಿತತೆಯನ್ನು ಹೋಗಲಾಡಿಸಬೇಕು" ಎಂದು ಹಿರಿಯ ಕಾಂಗ್ರೆಸ್ ಮುಖಂಡ ಶಶಿ ತರೂರ್ ಹೇಳಿದ್ದಾರೆ.

  

  ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, "ರಾಹುಲ್‌ ಗಾಂಧಿಯವರು ಕಾಂಗ್ರೆಸ್‌‌‌ ಮುಖ್ಯಸ್ಥನ ಹುದ್ದೆಗೆ ಬರಲು ಬಯಸುವುದಾದರೆ ಈ ವಿಚಾರವಾಗಿ ತೀರ್ಮಾನ ಕೈಗೊಳ್ಳುವುದು ಅಗತ್ಯವಿದೆ. ಹಳೆಯ ನಿಲುವಿಗಾಗಿ ಅವರು ಬದ್ದರಾಗುವುದಾದರೆ, ಪಕ್ಷ ಸಕ್ರಿಯ ಹಾಗೂ ಪೂರ್ಣಾವಧಿ ನಾಯಕತ್ವವನ್ನು ಹುಡುಕುವುದು ಉತ್ತಮ. ಹೀಗಾದರೆ ಮಾತ್ರವೇ ದೇಶದ ನಿರೀಕ್ಷೆಯಂತೆ ಪಕ್ಷವು ಮುಂದಕ್ಕೆ ಹೋಗಲು ಸಾಧ್ಯವಾಗುತ್ತದೆ" ಎಂದು ತಿಳಿಸಿದರು.

  "ಪಕ್ಷದ ಅತ್ಯುನ್ನತ ಕಾರ್ಯಕಾರಿಣಿಗೆ ಚುನಾವಣೆ ನಡೆಸಿ ಸೂಕ್ತರಾದವರನ್ನು ಆಯ್ಕೆ ಮಾಡುವುದೂ ಅವಶ್ಯಕ. ಗಾಂದಿ ಕುಟುಂಬದವರೇ ಕಾಂಗ್ರೆಸ್‌‌ ಪಕ್ಷವನ್ನು ಮುನ್ನಡೆಸುವುದು ಸೂಕ್ತ" ಎಂದು ತಿಳಿಸಿದರು.