ದೆಹಲಿ ಚುನಾವಣೆಯಲ್ಲಿ ಭರ್ಜರಿ ಗೆಲುವು ಸಾಧಿಸಿದ ಆಪ್‌ಗೆ 11 ಲಕ್ಷ ಜನ ಸೇರ್ಪಡೆ

•   Thu, Feb 13 2020 02:54:16 PM



• ನವದೆಹಲಿ, ಫೆ 13 (Daijiworld News/MB) : ದೆಹಲಿ ವಿಧಾನ ಸಭಾ ಚುನಾವಣೆಯಲ್ಲಿ ಭರ್ಜರಿ ಗೆಲುವು ಸಾಧಿಸಿದ ಆಮ್‌ ಆದ್ಮಿ ಪಕ್ಷಕ್ಕೆ ದೇಶಾದ್ಯಂತ 24 ಗಂಟೆಯೊಳಗೆ ಹತ್ತು ಲಕ್ಷಕ್ಕೂ ಅಧಿಕ ಮಂದಿ ಸೇರ್ಪಡೆಯಾಗಿದ್ದಾರೆ ಎಂದು ಆಪ್‌ ತಿಳಿಸಿದೆ.

  

  ಈ ಬಗ್ಗೆ ಟ್ಟೀಟ್‌ ಮಾಡಿರುವ ಆಪ್‌ ಭರ್ಜರಿ ಗೆಲುವು ಸಾಧಿಸಿದ 24ಗಂಟೆಯೊಳಗೆ ಒಂದು ಮಿಲಿಯನ್‌ಗೂ ಅಧಿಕ ಜನರು ಪಕ್ಷಕ್ಕೆ ಸೇರ್ಪಡೆಗೊಂಡಿದ್ದಾರೆ ಎಂದು ಹೇಳಿದೆ.

  ಈ ಮೊದಲು ಮಿಸ್ಡ್‌ ಖಾಲ್‌ ನೀಡುವ ಮುಖೇನ ಆಪ್‌ ಪಕ್ಷಕ್ಕೆ ಸೇರ್ಪಡೆಯಾಗಿರಿ ಎಂದು ಆಪ್‌ ಮೊಬೈಲ್‌ ನಂಬರ್‌ ಅನ್ನು ಶೇರ್ ಮಾಡಿತ್ತು ಎಂದು ವರದಿ ತಿಳಿಸಿದೆ.

  70 ಸದಸ್ಯ ಬಲದ ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಆಮ್ ಆದ್ಮಿ ಪಕ್ಷ 62 ಸ್ಥಾನಗಳಲ್ಲಿ ಗೆದ್ದು ಭರ್ಜರಿ ಗೆಲುವು ಸಾಧಿಸಿತ್ತು. ಬಿಜೆಪಿ 8 ಸ್ಥಾನಗಳಲ್ಲಿ ಜಯ ಕಂಡಿದ್ದು ಕಾಂಗ್ರೆಸ್‌ ಎಲ್ಲಿಯೂ ಗೆಲುವು ಸಾಧಿಸದೆ ಹೀನಾಯ ಸೋಲು ಕಂಡಿತ್ತು.