ಮೀಸಲಾತಿ ತೀರ್ಪು ವಿರೋಧಿಸಿ ಫೆ.23ರಂದು ಭಾರತ್‌ ಬಂದ್‌‌ - ಚಂದ್ರಶೇಖರ್ ಆಜಾದ್

•   Thu, Feb 13 2020 02:16:37 PM



• ನವದೆಹಲಿ, ಫೆ.13 (DaijiworldNews/PY): ಇತ್ತೀಚೆಗೆ ಸುಪ್ರೀಂಕೋರ್ಟ್‌‌ ನೀಡಿದ ಮೀಸಲಾತಿ ಮೂಲಭೂತ ಹಕ್ಕಲ್ಲ ಎಂಬ ತೀರ್ಪಿನ ಬಗ್ಗೆ ಅಸಮಾಧಾನಗೊಂಡ ದಲಿತ ಸಂಘಟನೆಗಳು ಫೆ.23ರಂದು ಭಾರತ್‌‌ ಬಂದ್‌‌ಗೆ ಕರೆ ನೀಡಿದೆ.

  

  ಈ ತೀರ್ಪನು ವಿರೋಧಿಸಿ ಭೀಮ್‌‌ ಆರ್ಮಿ ಮುಖ್ಯಸ್ಥ ಚಂದ್ರಶೇಖರ್ ಆಜಾದ್ ಅವರು ಭಾರತ್ ಬಂದ್‌‌ಗೆ ಕರೆ ನೀಡಿದ್ದು ದಲಿತ ಹಾಗೂ ಹಿಂದುಳಿದ ವರ್ಗಗಳ ಎಲ್ಲಾ ಜನಪ್ರತಿನಿಧಿಗಳು ಒಗ್ಗೂಡಿ ಸರ್ಕಾರದ ಮೇಲೆ ಒತ್ತಡ ಹಾಕಬೇಕೆಂದು ತಿಳಿಸಿದ್ದಾರೆ.

  ತೀರ್ಪಿಗೆ ವಿರುದ್ಧವಾಗಿ ಕೇಂದ್ರ ಸರ್ಕಾರ ಶೀಘ್ರವೇ ಸುಗ್ರೀವಾಜ್ಞೆ ಹೊರಡಿಸಬೇಕು. ಮೇಲ್ಮನವಿ ಸಲ್ಲಿಸಬೇಕು. ಈ ನಿಟ್ಟಿನಲ್ಲಿ ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಹಾಗೂ ಹಿಂದುಳಿದ ವರ್ಗಗಳಿಗೆ ಸೇರಿದ ಸರ್ವಪಕ್ಷಗಳ ಎಲ್ಲಾ ಸಂಸದರು ಹಾಗೂ ಶಾಸಕರು ಸರ್ಕಾರದ ಮೇಲೆ ಒತ್ತಡ ಹಾಕಬೇಕೆಂದು ಆಜಾದ್‌‌ ಹೇಳಿದ್ದಾರೆ.