ಕೋರ್ಟ್ ಕಲಾಪ ನೇರ ಪ್ರಸಾರಕ್ಕೆ ಅನುಮತಿ ನೀಡಿದ ಕೊಲ್ಕತ್ತಾ ಹೈಕೋರ್ಟ್

•   Thu, Feb 13 2020 12:18:43 PM



• ಕೊಲ್ಕತ್ತಾ, ಫೆ 13 (Daijiworld News/MB) : ಭಾರತದ ನ್ಯಾಯಾಂಗ ವ್ಯವಸ್ಥೆಯಲ್ಲಿ ಇದೇ ಮೊದಲ ಬಾರಿಗೆ ನ್ಯಾಯಾಲಯ ಕಲಾಪದ ನೇರ ಪ್ರಸಾರಕ್ಕೆ ಕೊಲ್ಕತ್ತಾ ಹೈಕೋರ್ಟ್ ಅನುಮತಿ ನೀಡಿದೆ.

  

  ಕೊಲ್ಕತ್ತಾದ ಮೆಟ್‌ಕಾಫ್ ಬೀದಿಯಲ್ಲಿರುವ ಅತಾಶ ಆದರನ್ (ಬೆಂಕಿ ದೇಗುಲ)ಗೆ ಪಾರ್ಸಿ ಜನಾಂಗ ಅಲ್ಲದ ಅವರನ್ನು ವಿವಾಹವಾದ ಪಾರ್ಸಿ ಮಹಿಳೆಯರ ಮಕ್ಕಳಿಗೆ ಪ್ರವೇಶಲು ಅನುವು ಮಾಡಿಕೊಡಬಹುದೇ ಎಂಬ ವಿಷಯಕ್ಕೆ ಸಂಬಂಧಿಸಿ ನೇರ ಪ್ರಸಾರಕ್ಕೆ ಅವಕಾಶ ನೀಡಲಾಗಿದೆ.

  ಎರಡು ವಿಶೇಷ ಕ್ಯಾಮೆರಾ ಮತ್ತು ಇತರ ಸಾಧನಗಳನ್ನು ನ್ಯಾಯಾಲಯದಲ್ಲಿ ಅಳವಡಿಸಿ, ಯುಟ್ಯೂಬ್‌ನಲ್ಲಿ ನೇರ ಪ್ರಸಾಎಕ್ಕೆ ಅವಕಾಶ ನೀಡಲಾಗಿದ್ದು ಇದಕ್ಕೆ ತಗುಲುವ ವೆಚ್ಚವನ್ನು ಅರ್ಜಿದಾರರಾದ ಪಾರ್ಸಿ ಝೋರಾಸ್ಟ್ರಿಯನ್ ಅಸೋಶಸಿಯೇಶನ್ ಕೊಲ್ಕತ್ತಾ (ಪಿಝೆಡ್‌ಎಸಿ) ಭರಿಸಲಿದೆ. 

  "ಕೋರ್ಟ್ ಕಲಾಪದ ನೇರ ಪ್ರಸಾರ ನಡೆಯುವುದರಿಂದ ಹೆಚ್ಚಿನ ಪಾರದರ್ಶಕತೆಗೆ ಅನುಕೂಲವಾಗುತ್ತದೆ ಹಾಗೂ ಇದು ಹೆಚ್ಚಿನ ಹೊಣೆಗಾರಿಕೆಗೆ ಕೂಡಾ ಸಾಧನವಾಗಲಿದೆ" ಎಂದು ಅನುಮತಿ ನೀಡಿದ ನ್ಯಾಯಮೂರ್ತಿ ಡಿ.ವೈ. ಚಂದ್ರಚೂಡ್‌ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

  ಬುಧವಾರ ನಡೆದ ಕಲಾಪದಲ್ಲಿ ನ್ಯಾಯಮೂರ್ತಿಗಳಾದ ಸಂಜೀವ್‌ ಬ್ಯಾನರ್ಜಿ ಹಾಗೂ ಕೌಶಕ್‌ ಚಂದ ಅವರಿದ್ದ ಪೀಠದ ಮುಂದೆ ಪಿಝೆಡ್‌ಎಸಿ ವಕೀಲ ಫಿರೋಝ್‌ ಎಡುಲ್ಜಿ ವಾದ ಮಂಡಿಸಿ, "ಇಂಥಹ ಪ್ರಕರಣಗಳಿಗೆ ಹೆಚ್ಚಿನ ಪ್ರಚಾರ ನೀಡಬೇಕು. ನೇರ ಪ್ರಸಾರವು ನಾಗರಿಕರ ಅದರಲ್ಲೂ ಮುಖ್ಯವಾಗಿ ನ್ಯಾಯಾಲಯ ಸೌಲಭ್ಯ ಬಳಸಿಕೊಳ್ಳುವ ಪಾರ್ಸಿಗಳ ಹಕ್ಕುಗಳನ್ನು ಎತ್ತಿಹಿಡಿಯಲಿದೆ" ಎಂದರು.