ಕೊರೋನಾಗೆ ಔಷಧ ಸಿದ್ಧತೆ - ಭಾರತ ಮೂಲದ ವಿಜ್ಞಾನಿಗಳ ತಂಡದಿಂದ ವೈರಸ್‌ ಸೃಷ್ಟಿ

•   Sat, Feb 08 2020 10:49:52 AM



• ನವದೆಹಲಿ, ಫೆ 08 (Daijiworld News/MB) : ಕೊರೋನಾ ವೈರಸ್‌ಗೆ ಔಷಧ ಅಭಿವೃದ್ಧಿಪಡಿಸುವ ಉದ್ದೇಶದಿಂದ ಆಸ್ಟ್ರೇಲಿಯಾದಲ್ಲಿರುವ ಭಾರತೀಯ ಸಂಜಾತ ವಿಜ್ಞಾನಿ ಎಸ್‌.ಎಸ್‌ ವಾಸು ನೇತೃತ್ವದ ತಂಡವು ಕೊರೊನಾ ವೈರಸ್‌ ಸೃಷ್ಟಿ ಮಾಡಿದೆ. ಹಾಗೆಯೇ 16 ದಿನದೊಳಗೆ ಔಷಧವನ್ನು ಅಭಿವೃದ್ಧಿ ಪಡಿಸುವ ಉದ್ದೇಶವನ್ನು ಹೊಂದಿದ್ದಾರೆ. 

  

  ಈ ವೈರಸ್‌ನ್ನು ಕಾಮನ್‌ವೆಲ್ತ್‌ ವೈಜ್ಞಾನಿಕ ಮತ್ತು ಕೈಗಾರಿಕಾ ಸಂಶೋಧನೆ ಸಂಸ್ಥೆಯ (ಸಿಎಸ್‌ಐಆರ್‌ಒ) ಪ್ರಯೋಗಾಲಯದಲ್ಲಿ ಅಭಿವೃದ್ಧಿ ಮಾಡಲಾಗಿದ್ದು ಮೆಲ್ಬರ್ನ್‌ನ ಡೊಹರ್ಟಿ ಸಂಸ್ಥೆಯಲ್ಲಿ ಮೊದಲ ಬಾರಿಗೆ ಈ ತಂಡದ ವಿಜ್ಞಾನಿಗಳು ಕೊರೊನಾ ವೈರಸ್‌ನ ಮಾದರಿಯನ್ನು ಅಭಿವೃದ್ಧಿಪಡಿಸಿದ್ದರು.

  ವಿಜ್ಞಾನಿಗಳು ಕೊರೋನಾ ವೈರಸ್‌ ಸೋಂಕಿತ ವ್ಯಕ್ತಿಯ ರಕ್ತದ ಮಾದರಿಯಿಂದ ಕೊರೋನಾ ವೈರಸ್‌ನ್ನು ಬೇರ್ಪಡಿಸುವಲ್ಲಿ ಯಶಸ್ವಿಯಾಗಿದೆ ಎಂದು ಹೇಳಲಾಗಿದ್ದು "ವೈರಸ್‌ನ ಗುಣಲಕ್ಷಣಗಳನ್ನು ಮೊದಲು ಅಧ್ಯಯನ ನಡೆಸಲಾಗುತ್ತದೆ. ಹೊಸ ರೋಗನಿರೋಧಕ ಔಷಧ ಅಭಿವೃದ್ಧಿಪಡಿಸಲು ಇದುವೇ ಪ್ರಮುಖ ಆಧಾರ" ಎಂದು ಸಿಎಸ್‌ಐಆರ್‌ಒ ತಿಳಿಸಿರುವುದಾಗಿ ವರದಿಯಾಗಿದೆ.

  ವುಹಾನ್‌ನಲ್ಲಿರುವ ಪಾಕಿಸ್ತಾನ ಸೇರಿದಂತೆ ನೆರೆ ರಾಷ್ಟ್ರಗಳ ಪ್ರಜೆಗಳನ್ನು ವಾಪಸ್ ಕರೆ ತರಲು ಭಾರತ ನೆರವು ನೀಡಲು ಮುಂದಾಗಿತ್ತು, ಈಗಾಗಲೇ ಮಾಲ್ಡೀವ್ಸ್‌ನ 7 ಜನರನ್ನು ಭಾರತಕ್ಕೆ ಕರೆ ತರೆಲಾಗಿದೆ ಎಂದು ವಿದೇಶಾಂಗ ಸಚಿವ ಎಸ್‌.ಜೈಶಂಕರ್ ರಾಜ್ಯಸಭೆಯಲ್ಲಿ ಹೇಳಿದ್ದಾರೆ.