'ಯಾಕಾಗಿ ನಮ್ಮ ಸ್ವಾತಂತ್ರ್ಯ ಗೊಂದಲ ಮತ್ತು ಸಂಘರ್ಷದಲ್ಲಿದೆ?' - ಶೋಭಾ ಕರಂದ್ಲಾಜೆ

•   Sun, Jan 26 2020 09:49:19 AM



• ಬೆಂಗಳೂರು, ಜ 26 (Dajiworld News/MB) : "ನಮ್ಮ ಸ್ವಾತಂತ್ರ್ಯ ಗೊಂದಲ ಮತ್ತು ಸಂಘರ್ಷದಲ್ಲಿದೆ" ಎಂದು ಸಂಸದೆ ಶೋಭಾ ಕರಂದ್ಲಾಜೆ ಹೇಳಿದರು.

  

  71ನೇ ಗಣರಾಜ್ಯೋತ್ಸವವದ ಪ್ರಯುಕ್ತ ಸಿ.ಫಾರ್ ಸೊಸೈಟಿಯಿಂದ ಮಹಿಳೆಯರಿಗೆ ಪ್ರೀಡಂ ಪಾರ್ಕ್‌ನಿಂದ ಪ್ಯಾಲೇಸ್ ಮೈದಾನದವರೆಗೆ ಬೈಕ್‌ ರ್‍ಯಾಲಿ ಆಯೋಜನೆ ಮಾಡಲಾಗಿದ್ದು ಈ ಕಾರ್ಯಕ್ರಮದ ಬಳಿಕ ಮಾತನಾಡಿದ ಅವರು, "ದೇಶಾದಾದ್ಯಂತ ಗಣರಾಜ್ಯೋತ್ಸವವನ್ನು ವಿಜೃಂಭಣೆಯಿಂದ ಆಚರಿಸಲಾಗುತ್ತಿದೆ. ಇಷ್ಟ ದೊಡ್ಡ ಸಂಖ್ಯೆಯಲ್ಲಿ ಬೆಂಗಳೂರಿನ ಯುವಕರು ಮಹಿಳೆಯರು ಇಲ್ಲಿ ಸೇರಿರುವುದು ಖುಷಿಯ ವಿಷಯ. ಸಿ.ಫಾರ್ ಸೊಸೈಟಿಯಿಂದ ಬೈಕ್‌ ರ್‍ಯಾಲಿ ಮಾಡುವ ಮೂಲಕ ಮಡಿದ ಸೈನಿಕರ ಕುಟುಂಬಕ್ಕೆ ಗೌರವ ಸಲ್ಲಿಸುವ ಕೆಲಸ ಮಾಡಲಾಗುತ್ತಿದೆ" ಎಂದು ಹೇಳಿದರು.

  "ಇಂತಹ ಕಾರ್ಯಕ್ರಮಗಳು ನಮ್ಮ ಯುವ ಪೀಳಿಗೆಗಳಿಗೆ ಅತ್ಯಗತ್ಯವಾಗಿದೆ. ದೇಶಕ್ಕಾಗಿ ಯಾರು ತ್ಯಾಗ ಮಾಡಿದ್ದಾರೆ, ಯಾಕಾಗಿ ಸ್ವಾತಂತ್ರ್ಯ ಲಭಿಸಿದೆ, ಯಾಕಾಗಿ ನಮ್ಮ ಸ್ವಾತಂತ್ರ್ಯ ಗೊಂದಲದಲ್ಲಿದೆ ಮತ್ತು ಸಂಘರ್ಷದಲ್ಲಿದೆ, ಈ ನಿಟ್ಟಿನಲ್ಲಿ ನಮ್ಮ ಯುವ ಪೀಳಿಗೆ ಏನು ಮಾಡಬೇಕು ಎಂಬುದನ್ನು ಸಿ.ಫಾರ್ ಸೊಸೈಟಿ ಮೂಲಕ ನಮ್ಮ ಯುವಕರಿಗೆ ತಿಳಿಸುವ ಕಾರ್ಯ ಮಾಡುತ್ತಿರುವುದು ಖುಷಿಯ ಸಂಗತಿಯಾಗಿದೆ. ಇಂತಹ ಸಮಾಜಮುಖಿ ಕೆಲಸಗಳನ್ನು ಹೆಚ್ಚಾಗಿ ಮಾಡಿ" ಎಂದು ತಿಳಿಸಿದರು.