ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಬುಲೆಟ್‌ ಪತ್ತೆ - ಅಮೆರಿಕದಲ್ಲಿ ಮಿಲಿಟರಿಯಲ್ಲಿರುವ ಮಂಗಳೂರು ಮೂಲದ ವ್ಯಕ್ತಿ ಪೊಲೀಸರ ವಶಕ್ಕೆ

•   Wed, Jan 08 2020 12:24:37 PM



• ಬೆಂಗಳೂರು, ಜ.08 (Daijiworld News/PY) : ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇಂದು ಮುಂಜಾನೆ ಬಂದಿಳಿದ ಪ್ರಯಾಣಿಕರ ಬ್ಯಾಗ್‌ಗಳನ್ನು ತಪಾಸಣೆ ಮಾಡುವಾಗ ಬ್ಯಾಗ್​ನಲ್ಲಿ ಎರಡು ಸಜೀವ ಗುಂಡುಗಳು ಪತ್ತೆಯಾಗಿದ್ದು. ಬ್ಯಾಗ್​ನ ಮಾಲೀಕರಾದ ಮಂಗಳೂರು ಮೂಲದ ಅಮೆರಿಕ ಮಿಲಿಟರಿ ಸಿಬ್ಬಂದಿಯನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

  

  ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಬಂದ ತಾಯಿ-ಮಗನ ಬ್ಯಾಗ್‌ನಲ್ಲಿ 2 ಬುಲೆಟ್​ಗಳು ಪತ್ತೆಯಾಗಿದೆ, ಇಬ್ಬರನ್ನು ಪೊಲೀಸರು ವಶಪಡೆದಿದ್ದು, ತಪಾಸಣೆ ನಡೆಸಿದ್ದಾರೆ. ಮಂಗಳೂರು ಮೂಲದ ವ್ಯಕ್ತಿಯೋರ್ವರು ತಾನು ಅಮೆರಿಕ ಮಿಲಿಟರಿಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದು, ರಜೆ ಪಡೆದು ಊರಿಗೆ ಬಂದಿದ್ದೇನೆ, ಮಿಲಿಟರಿ ಕಾರ್ಯದಿಂದ ಬ್ಯಾಗ್‌ ಪ್ಯಾಕ್‌ ಮಾಡಿಕೊಂಡು ಬರುವ ವೇಳೆ ತಿಳಿಯದೇ 2 ಗುಂಡುಗಳು ಬ್ಯಾಗ್‌ನಲ್ಲಿ ಬಿದ್ದಿರುವುದಾಗಿ ತಿಳಿಸಿದ್ದಾರೆ.

  ತಾಯಿ ಮತ್ತು ಮಗನನ್ನು ವಶಕ್ಕೆ ಪಡೆದಿರುವ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.