ಸಂವಿಧಾನದ ಪೀಠಿಕೆ ಮುದ್ರಿಸಿದ ಪತ್ರ ನೀಡಿ ಹೊಸ ವರ್ಷದ ಶುಭಕೋರಿದ ಪ್ರಿಯಾಂಕಾ ಗಾಂಧಿ

•   Sat, Jan 04 2020 03:38:18 PM



• ನವದೆಹಲಿ, ಜ 04 ( Dajiworld News/MB) : ಪೌರತ್ವ ತಿದ್ದುಪಡಿ ಕಾಯ್ದೆಯ ಸಮಸ್ಯೆಯನ್ನು ಮುಂದಿಟ್ಟುಕೊಂಡು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರು ಉತ್ತರ ಪ್ರದೇಶದ ಪ್ರಸಿದ್ಧ ನಾಗರಿಕರಿಗೆ ಸಂವಿಧಾನದ ಪೀಠಿಕೆಯನ್ನು ಮುದ್ರಣ ಮಾಡಿರುವ ಹೊಸ ವರ್ಷದ ಶುಭಾಶಯ ಪತ್ರಗಳನ್ನು ಕಳುಹಿಸಿದ್ದಾರೆ.

  

  ಈ ಶುಭಾಷಯ ಕೋರುವ ಪತ್ರಕ್ಕೆ ಪ್ರಿಯಾಂಕ ವಾದ್ರಾ ಅವರು ಸಹಿ ಮಾಡಿದ್ದು "ಹೊಸ ವರ್ಷದ ಶುಭಾಶಯಗಳು" ಎಂದು ಹಿಂದಿಯಲ್ಲಿ ಬರೆಯಲಾಗಿದೆ.

  ಸಂವಿಧಾನದ ಪೀಠಿಕೆ ಇರುವ ಈ ಪತ್ರಗಳನ್ನು ಕವಿಗಳಿಗೆ, ಬರಹಗಾರರಿಗೆ, ಸಾಮಾಜಿಕ ಕಾರ್ಯಕರ್ತರಿಗೆ, ಕಾಂಗ್ರೆಸ್‌ ಕಾರ್ಯಕರ್ತರಿಗೆ ಯುಪಿ ಕಾಂಗ್ರೆಸ್‌ ಸಮಿತಿಯ ಕಾರ್ಯಕರ್ತರು ನೀಡುತ್ತಿದ್ದಾರೆ ಎಂದು ತಿಳಿದು ಬಂದಿದೆ.

  ಕಳೆದ ತಿಂಗಳಲ್ಲಿ ಕಾಂಗ್ರೆಸ್‌ ಸಿಎಎ ಹಾಗೂ ಎನ್‌ಆರ್‌ಸಿ ವಿರುದ್ಧ ನಡೆಸಿದ ಪ್ರತಿಭಟನೆಯಲ್ಲಿ ಸಂವಿದಾನದ ಪೀಠಿಕೆಯನ್ನು ಓದಿದ್ದರು.