'ಸಿಡಿಎಸ್‌ ಹೊಸ ವ್ಯವಸ್ಥೆಯನ್ನು ನಿರ್ಮಿಸಿದೆ, ಈ ವಿಚಾರದಲ್ಲಿ ದೇಶ ಹೆಮ್ಮೆ ಪಡಬೇಕು' - ಪ್ರಕಾಶ್‌ ಜಾವಡೇಕರ್‌

•   Wed, Jan 01 2020 05:37:37 PM



• ನವದೆಹಲಿ, ಜ.01 (Daijiworld News/PY) : ಬಿಪಿನ್‌ ರಾವತ್‌ ಅವರನ್ನು ರಕ್ಷಣಾ ಪಡೆಗಳ ಮುಖ್ಯಸ್ಥರನ್ನಾಗಿ ನೇಮಕ ಮಾಡಿದ್ದನ್ನು ಕಾಂಗ್ರೆಸ್‌ ಪ್ರಶ್ನಿಸಿದ್ದಕ್ಕೆ, "ಸಿಡಿಎಸ್‌ ಹೊಸ ವ್ಯವಸ್ಥೆಯನ್ನು ನಿರ್ಮಿಸಿದೆ, ಈ ವಿಚಾರದಲ್ಲಿ ದೇಶ ಹೆಮ್ಮೆ ಪಡಬೇಕು" ಎಂದು ಕೇಂದ್ರ ಸಚಿವ ಪ್ರಕಾಶ್‌ ಜಾವಡೇಕರ್‌ ತಿಳಿಸಿದ್ದಾರೆ.

  

  ಪತ್ರಿಕಾಗೋಷ್ಟಿಯಲ್ಲಿ ಮಾತನಾಡಿದ ಪ್ರಕಾಶ್‌ ಜಾವಡೇಕರ್‌ ಅವರು, "ಗೊಂದಲದಿಂದ ಕೂಡಿದ ಪಕ್ಷ ಎಂದರೆ ಅದು ಕಾಂಗ್ರೆಸ್‌, ಸಿಡಿಎಸ್‌ ನೇಮಕ ವಿಚಾರವನ್ನು ರಾಜಕೀಯಗೊಳಿಸುವ ಯತ್ನ ಖಂಡನೀಯ" ಎಂದು ಹೇಳಿದ್ದಾರೆ.

  "ರಾಹುಲ್‌ ಗಾಂಧಿ ಅವರ ಸಲಹೆಗಾರರು ಟ್ವೀಟ್‌ಗಳನ್ನು ಮಾಡುತ್ತಾರೆ, ಆದರೆ ಕಾಂಗ್ರೆಸ್ ಪಕ್ಷದವರು ಆ ವಿಷಯಕ್ಕಿಂತ ಭಿನ್ನವಾದ ಮಾತುಗಳನ್ನಾಡುತ್ತಾರೆ. ಈ ವಿಷಯದಿಂದಾಗಿಯೇ ಕಾಂಗ್ರೆಸ್‌ ಗೊಂದಲದಿಂದ ಕೂಡಿದ ಪಕ್ಷವಾಗಿದೆ" ಎಂದು ಹೇಳಿದ್ದಾರೆ.