ಹೊಸ ವರ್ಷ ಸ್ವಾಗತಿಸಿ ರಾಷ್ಟ್ರಗೀತೆ ಹಾಡಿದ ಸಿಎಎ ಹಾಗೂ ಎನ್‌ಆರ್‌ಸಿ ವಿರೋಧಿ ಪ್ರತಿಭಟನಾಕಾರರು

•   Wed, Jan 01 2020 10:37:20 AM



• ನವದೆಹಲಿ, ಜ 01 (Daijiworld News/MB): ಎನ್‌ಆರ್‌ಸಿ ಹಾಗೂ ಸಿಎಎ ಕಾಯ್ದೆ ವಿರೋಧ ಮಾಡಿ ಪ್ರತಿಭಟನೆ ನಡೆಸುತ್ತಿರುವ ಪ್ರತಿಭಟನಾಕಾರರುನ ರಾಷ್ಟ್ರಗೀತೆ ಹಾಡಿ ಹೊಸ ವರ್ಷವನ್ನು ಸ್ವಾಗತ ಮಾಡಿರುವ ಘಟನೆ ಇಲ್ಲಿನ ಜಾಮೀಯಾ ಮಸೀದಿ ಸಮೀಪದಲ್ಲಿರುವ ಶಾಹಿನ್‌ ಬಾಗ್‌ ಮೈದಾನದಲ್ಲಿ ನಡೆದಿದೆ.

  

  ಕಳೆದ ಡಿಸೆಂಬರ್‌ 15ರಿಂದ ಈ ಮೈದಾನದಲ್ಲಿ ಎನ್‌ಆರ್‌ಸಿ ಹಾಗೂ ಸಿಎಎ ವಿರೋಧಿಸಿ ಸಾವಿರಾರು ಜನರು ಹಗಲು ರಾತ್ರಿ ಪ್ರತಿಭಟನೆ ನಡೆಸುತ್ತಿದ್ದು ನಿನ್ನೆ ರಾತ್ರಿ 12 ಗಂಟೆಗೆ ಸರಿಯಾಗಿ ಗಟ್ಟಿಯಾಗಿ ರಾಷ್ಟ್ರಗೀತೆ ಹಾಡಿ ಹೊಸ ವರ್ಷ ಸ್ವಾಗತ ಮಾಡಿದ್ದಾರೆ.

  ಹಾಗೆಯೇ ಆಝಾದಿ ಎಂದು ಬರೆದಿರುವ ನಾಮಫಲಕವನ್ನು ಹಿಡಿದಿರುವ ಹಲವರು ಇಂಕ್ವಿಲಾಬ್‌ ಝಿಂದಾಬಾದ್‌ ಎಂದು ಘೊಷಣೆ ಕೂಗುತ್ತಿದ್ದರು.

  ಇಲ್ಲಿ ಕಳೆದ 15 ದಿನಗಳಿಂದ ಹಗಲು ರಾತ್ರಿ ಪ್ರತಿಭಟನೆ ನಡೆಯುತ್ತಿದ್ದು ಕಲಾವಿದರು, ಬರಹಗಾರರು, ನಟರು ಸೇರಿದಂತೆ ಸಾವಿರಾರು ಜನರು ಪ್ರತಿಭಟನೆ ಭಾಗವಹಿಸಿದ್ದರು.