ಖ್ಯಾತ ರಾಜಕೀಯ ವ್ಯಂಗ್ಯಚಿತ್ರಕಾರ ವಿಕಾಸ್‌ ಸಬ್ನಿಸ್‌ ನಿಧನ

•   Sun, Dec 29 2019 05:59:02 PM



• ಮುಂಬೈ, ಡಿ 29(Daijiworld News/PY) : ಖ್ಯಾತ ರಾಜಕೀಯ ವ್ಯಂಗ್ಯಚಿತ್ರಕಾರರಾದ ವಿಕಾಸ್‌ ಸಬ್ನಿಸ್‌ ಹೃದಾಯಾಘಾತದಿಂದ ಶನಿವಾರ ನಿಧನರಾಗಿದ್ದಾರೆ.

  

  ಅವರಿಗೆ 69 ವರ್ಷ ವಯಸ್ಸಾಗಿತ್ತು. ಅನಾರೋಗ್ಯದಿಂದ ಬಳಲುತ್ತಿದ್ದ ಅವರು ಕೆಲ ದಿನಗಳ ಹಿಂದೆ ಚಿಕಿತ್ಸೆ ಪಡೆಯುತ್ತಿದ್ದರು.

  ಪ್ರಸಿದ್ದ ವ್ಯಂಗ್ಯಚಿತ್ರಕಾರರಾದ ಆರ್‌ ಕೆ ಲಕ್ಷ್ಮಣ್‌ ಹಾಗೂ ಬಾಳಠಾಕ್ರೆ ಅವರಿಂದ ಸ್ಪೂರ್ತಿಗೊಂಡ ವಿಕಾಸ್‌ ಸಬ್ನಿಸ್‌ 1968ರಲ್ಲಿ ತಮ್ಮ ವೃತ್ತಿಜೀವನವನ್ನು ಆರಂಭಿಸಿದ್ದರು.

  ವಿಕಾಸ್‌ ಸಬ್ನಿಸ್‌ ಅವರು ಟೈಮ್ಸ್ ಆಫ್ ಇಂಡಿಯಾ ಹಾಗೂ ಮಿಡ್ ಡೇ ಸೇರಿದಂತೆ ಅನೇಕ ದಿನ ಪತ್ರಿಕೆಗಳಲ್ಲಿ ಪೂರ್ಣಕಾಲಿಕ ಸಿಬ್ಬಂದಿಯಾಗಿ ಸೇವೆ ಸಲ್ಲಿಸಿದ್ದರು.