ಎನ್‌ಡಿಎ ಸರಕಾರ 'ಜೋಕರ್‌ ಆಫ್‌ ದಿ ಇಯರ್‌' - ಕಾಂಗ್ರೆಸ್‌ ಮುಖಂಡ

•   Sat, Dec 28 2019 03:17:44 PM



• ನವದೆಹಲಿ, ಡಿ 28 (Daijiworld News/MB): "ಎನ್‌ಡಿಎ ಸರ್ಕಾರವನ್ನು "ಜೋಕರ್‌ ಆಫ್‌ ದಿ ಇಯರ್‌" ಎಂದು ಕಾಂಗ್ರೆಸ್‌ ಮುಖಂಡ ಅಧಿರ್‌ ರಂಜನ್‌ ಚೌಧರಿ ಹೇಳಿದ್ದಾರೆ.

  

  ಬಿಜೆಪಿಯ ಕೇಂದ್ರ ಸಚಿವ ಪ್ರಕಾಶ್‌ ಜಾವೇಡ್ಕರ್‌ ಶುಕ್ರವಾರ ರಾಹುಲ್‌ ಗಾಂಧಿ ಸುಳ್ಳು ಹೇಳುತ್ತಲ್ಲೇ ಇರುತ್ತಾರೆ. ಅವರು ಅವರು ವರ್ಷದ ಸುಳ್ಳುಗಾರ ಸ್ಪರ್ಧೆಯ ಅಭ್ಯರ್ಥಿ ಎಂದು ಹೇಳಿದ್ದರು. ಈ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿರುವ ಕಾಂಗ್ರೆಸ್‌ ಮುಖಂಡ ಚೌಧರಿ, "ಜಾವೇಡ್ಕರ್‌ ಅವರು ರಾಹುಲ್‌ ಗಾಂಧಿಯವರು "ಲೈರ್‌ ಆಫ್‌ ದಿ ಇಯರ್‌" ಎಂದು ಹೇಳಿದ್ದಾರೆ, ನಿಜವಾಗಿ ಎನ್‌ಡಿಎ ಸರಕಾರ "ಜೋಕರ್‌ ಆಫ್‌ ದಿ ಇಯರ್‌" ಎಂದು ಹೇಳಿದ್ದಾರೆ.

  ನಿಜವಾಗಿ ರಾಹುಲ್‌ ಗಾಂಧಿ ಸುಳ್ಳುಗಾರನೋ ಅಥವಾ ನರೇಂದ್ರ ಮೋದಿಯೋ ಎಂಬ ವಿಚಾರದಲ್ಲಿ ಚರ್ಚೆ ನಡೆಸುವಂತೆ ನಾನು ಜಾವೇಡ್ಕರ್‌ ಅವರಿಗೆ ಕೇಳುತ್ತೇನೆ ಎಂದು ತಿಳಿಸಿದ್ದಾರೆ.

  ಗುರುವಾರ ರಾಹುಲ್‌ ಗಾಂಧಿಯವರು , "ಆರ್‌ಎಸ್‌ಎಸ್‌ನ ಪ್ರಧಾನ ಮಂತ್ರಿ ಭಾರತ ಮಾತೆಗೆ ಸುಳ್ಳು ಹೇಳುತ್ತಿದ್ದಾರೆ" ಎಂದು ಬರೆದು ವಿಡಿಯೋದೊಂದಿಗೆ ಟ್ವೀಟ್‌ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯೆ ನೀಡಿದ ಜಾವೇಡ್ಕರ್‌ ರಾಹುಲ್‌ ಗಾಂಧಿಯವರು "ಲೈರ್‌ ಆಫ್‌ ದಿ ಇಯರ್‌" ಎಂದು ಹೇಳಿದ್ದರು.