ಪೌರತ್ವ ಹೋರಾಟದ ನಡುವೆಯೇ ಅಂತರ್ ಧರ್ಮಿಯ ವಿವಾಹ

•   Thu, Dec 19 2019 12:14:44 PM



• ಚಿಕ್ಕಬಳ್ಳಾಪುರ, ಡಿ 19 (Daijiworld News/PY) : ರಾಷ್ಟ್ರದಾದ್ಯಂತ ಪೌರತ್ವ ತಿದ್ದುಪಡಿ ಕಾಯ್ದೆಯ ವಿರುದ್ದ ಕಿಚ್ಚು ಹತ್ತಿಕೊಂಡಿದ್ದು ಈ ಬಗ್ಗೆ ತಲೆಕೆಡಿಸಿಕೊಳ್ಳದ ಬಿಜೆಪಿ ಮುಖಂಡರು ಚಿಕ್ಕಬಳ್ಳಾಪುರ ಜಿಲ್ಲೆಯ ಗೌರಿಬಿದನೂರಿನಲ್ಲಿ ಹಿಂದೂ ಯುವಕ ಹಾಗೂ ಮುಸ್ಲಿಂ ಯುವತಿಗೆ ವಿವಾಹ ಮಾಡಿಸಿರುವ ಘಟನೆ ನಡೆದಿದೆ.

  

  ಗೌರಿಬಿದನೂರು ನಗರದ ಉಪ್ಪಾರಕಾಲೋನಿ ನಿವಾಸಿಗಳಾದ ಮಂಜುನಾಥ್ ಹಾಗೂ ಸುಹಾನ ಪರಸ್ಪರ ಪ್ರೀತಿಸುತ್ತಿದ್ದರು. ಈ ವಿಷಯವಾಗಿ ಯುವತಿಯ ಪೋಷಕರ ಜೊತೆ ಬಿಜೆಪಿ ಮುಖಂಡರು ಸಂಧಾನದ ಮಾತುಕತೆ ನಡೆಸಿದಾಗ ಆಕೆಯ ಪೋಷಕರು ನಿರಾಕರಿಸಿದ್ದಾರೆ.

  ಬಳಿಕ ಯುವಕ-ಯುವತಿಯ ಒಪ್ಪಗೆಯಂತೆ ಬಿಜೆಪಿ ಪಕ್ಷದ ಮಾಜಿ ಜಿಲ್ಲಾಧ್ಯಕ್ಷ ರವಿನಾರಾಯಣ ರೆಡ್ಡಿ ಮುಂದಾಳತ್ವದಲ್ಲಿ ವಿದುರಾಶ್ವತ್ಥ ಗ್ರಾಮದ ಅಶ್ವತ್ಥನಾರಾಯಣನ ಸನ್ನಿಧಿಯಲ್ಲಿ ಹಿಂದೂ ಸಂಪ್ರದಾಯದಂತೆ ವಿವಾಹ ನೆರವೇರಿಸಿದ್ದಾರೆ.