ಗಂಗಾ ತಟದಲ್ಲಿ ಮುಗ್ಗರಿಸಿ ಬಿದ್ದ ಪ್ರಧಾನಿ ನರೇಂದ್ರ ಮೋದಿ

•   Sat, Dec 14 2019 05:25:13 PM



• ಕಾನ್ಪುರ,ಡಿ 14 (Daijiworld News/MSP): ಗಂಗಾ ಘಾಟ್‌ನ ಮೆಟ್ಟಿಲುಗಳನ್ನು ಹತ್ತುವಾಗ ಪ್ರಧಾನಿ ನರೇಂದ್ರ ಮೋದಿ ಎಡವಿ ಬಿದ್ದಿರುವ ಘಟನೆ ಇಂದು ನಡೆದಿದೆ. ಮೋದಿ ಮುಗ್ಗರಿಸಿ ಬಿದ್ದ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದ್ದು ವೈರಲ್ ಆಗಿದೆ.

  

  ನಮಾಮಿ ಗಂಗೆ ಯೋಜನೆಯನ್ನು ಪರಿಶೀಲಿಸಲು ಕಾನ್ಪುರಕ್ಕೆ ತೆರಳಿದ್ದ ಮೋದಿ ಪ್ರಗತಿ ಪರಿಶೀಲಿಸಲು ಗಂಗಾ ಘಾಟ್‌ ಗೆ ಭೇಟಿ ನೀಡಿದ್ದರು. ಈ ವೇಳೆ ಮೆಟ್ಟಿಲು ಹತ್ತುವಾಗ ಎಡವಿ ಕೆಳಕ್ಕೆ ಬಿದ್ದರು. ಮೋದಿ ಅವರು ಬಿದ್ದ ಕೂಡಲೇ ಭದ್ರತಾ ಸಿಬ್ಬಂದಿ ಧಾವಿಸಿ ಬಂದು ಮೋದಿ ಅವರನ್ನು ಮೇಲೆಳಲು ಸಹಾಯ ಮಾಡಿದರು . ಎಡವು ಬಿದ್ದ ಕಾರಣ ಸ್ವಲ್ಪವೂ ವಿಚಲಿತರಾಗದೆ ಮೋದಿ ಅವರು ಮಾಮೂಲಿನಂತೆ ಮುಂದೆ ಸಾಗಿದರು.

  ಇದಕ್ಕೂ ಮೊದಲು ಪ್ರಧಾನಿ ಮೋದಿ ಚಂದ್ರಶೇಖರ್ ಆಜಾದ್ ಕೃಷಿ ವಿಶ್ವವಿದ್ಯಾಲಯದಲ್ಲಿ ನಡೆದ ಸಭೆಯಲ್ಲಿ ಭಾಗವಹಿಸಿದ್ದರು. ಕಾನ್ಪುರಕ್ಕೆ ಆಗಮಿಸಿ ಪ್ರಧಾನಿ ಅವರನ್ನು ಚಕೇರಿ ವಿಮಾನ ನಿಲ್ದಾಣದಲ್ಲಿ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಮತ್ತು ಇತರ ಗಣ್ಯರು ಸ್ವಾಗತಿಸಿದರು.