ವಿಶೇಷ ವಿವಾಹದಲ್ಲಿ ’ಈರುಳ್ಳಿ ವರಮಾಲೆ ’ - ಉಡುಗೊರೆಯೂ ಈರುಳ್ಳಿ.!

•   Sat, Dec 14 2019 11:33:29 AM



• ವಾರಾಣಸಿ, ಡಿ 14 (Daijiworld News/MSP): ದೇಶದಲ್ಲೆಡೆ ಈರುಳ್ಳಿ ದರದ ಚರ್ಚೆಯೇ ನಡೆಯುತ್ತಿರುವಾಗ ಇಲ್ಲೊಂದು "ಈರುಳ್ಳಿ–ಬೆಳ್ಳುಳ್ಳಿ ಪ್ರಮುಖ್ಯತೆ ಪಡೆದ ಮದುವೆಯೊಂದು ಗಮನ ಸೆಳೆದಿದೆ.

  

  ವಾರಣಾಸಿಯ ವಧು-ವರ ಜೋಡಿಯೊಂದು ವಿವಾಹದ ಸಮಯದಲ್ಲಿ, ಭಾರತೀಯ ಸಂಪ್ರದಾಯದಂತೆ ಹೂವಿನ ಹಾರದ ಬದಲು ದುಬಾರಿಯಾದ ನೀರುಳ್ಳಿ ಬೆಳ್ಳುಳ್ಳಿ ಪೋಣಿಸಿ ಹಾರವಾಗಿ ಮಾಡಿಕೊಂಡು ವರಮಾಲೆ ಬದಲಾಯಿಸಿದ್ದಾರೆ. "ಈರುಳ್ಳಿ ಬೆಲೆ ಏರಿಕೆಯ ವಿರುದ್ಧ ವಿನೂತನ ರೀತಿಯಲ್ಲಿ ಪ್ರತಿಭಟನೆ" ಇದು ಎಂದು ಆ ಬಳಿಕ ವಧುವರರು ತಮ್ಮ ಹೇಳಿಕೆ ನೀಡಿದ್ದಾರೆ.

  ಈ ವಿವಾಹ ಸಮಾರಂಭದಲ್ಲಿ ನವದಂಪತಿಗಳಿಗೆ ಶುಭಕೋರಲು ಬಂದಿದ್ದ ಅತಿಥಿಗಳೂ ಸಹ ಈರುಳ್ಳಿ ಮತ್ತು ಬೆಳ್ಳುಳ್ಳಿ ತುಂಬಿದ ಬುಟ್ಟಿಗಳನ್ನು ಉಡುಗೊರೆಯಾಗಿ ನೀಡಿದರು. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಸಮಾಜವಾದಿ ಪಕ್ಷದ ಕಮಲ್‌ ಪಟೇಲ್‌ " 'ದೇಶದಲ್ಲಿ ಇತ್ತೀಚೆಗೆ ಈರುಳ್ಳಿ ಬೆಲೆ ಗಗನಕ್ಕೇರಿರುವ ಕಾರಣ ಜನಸಾಮಾನ್ಯರಿಗೆ ಈರುಳ್ಳಿಯೇ "ಚಿನ್ನ" ದಂತಾಗಿದೆ. ಒಂದು ಕಿಲೋ ಈರುಳ್ಳಿಗೆ 120 ರೂ ಕನಿಷ್ಟ ಬೆಲೆಯಿದೆ, ಹೀಗಾಗಿ ಮದುವೆಯಲ್ಲಿ ವಧು–ವರ ಈರುಳ್ಳಿ ಮತ್ತು ಬೆಳ್ಳುಳ್ಳಿ ಹಾರಗಳನ್ನು ಧರಿಸಿದ್ದಾರೆ ಎಂದು ಹೇಳಿದ್ದಾರೆ.

  ' ಬೆಲೆ ಏರಿಕೆಯ ವಿರುದ್ದ ಸಮಾಜವಾದಿ ಪಕ್ಷ ಹಲವಾರು ಬಾರಿ ಪ್ರತಿಭಟನೆ ನಡೆಸಿದೆ, ಗಗನಕ್ಕೇರಿದ ಈರುಳ್ಳಿ ಬೆಲೆಯನ್ನು ವಿರೋಧಿಸಿ ವಿಭಿನ್ನ ರೀತಿಯಲ್ಲಿ ಜೋಡಿ ಪ್ರತಿಭಟಿಸಿ ದಾಖಲೆ ಬರೆದಿದೆ. ನವ ವಿವಾಹಿತರಿಗೆ ಇದೊಂದು ಮರೆಯಲಾಗದ ಐತಿಹಾಸಿಕ ಘಟನೆಯಾಗಿದೆ'