ಮೆಡಿಕಲ್‌ ಸ್ಟೋರ್‌ ಮಾಲಕನ ಎಡವಟ್ಟಿಗೆ 2 ವರ್ಷದ ಮಗು ಬಲಿ

•   Sat, Dec 14 2019 10:18:05 AM



• ನವದೆಹಲಿ, ಡಿ 14 (Daijiworld News/MB) : 2 ವರ್ಷದ ಹೆಣ್ಣು ಮಗುವಿಗೆ ಶಹದಾರಾದ ಜಿಟಿಬಿ ಎನ್‌ಕ್ಲೇವ್ ಪ್ರದೇಶದಲ್ಲಿನ ಮೆಡಿಕಲ್‌ ಸ್ಟೋರ್‌ನ ವ್ಯಕ್ತಿ ತಪ್ಪಾದ ಇಂಜೆಕ್ಷನ್‌ ನೀಡಿದ ಪರಿಣಾಮದಿಂದಾಗಿ ಮಗು ಸಾವನ್ನಪ್ಪಿದ ಘಟನೆ ಗುರುವಾರ ನಡೆದಿದೆ.

  

  ಮಗುವನ್ನು ತಾಯಿಯು ಆಸ್ಪತ್ರಗೆ ಕರೆದೊಯ್ದ ಸಂದರ್ಭದಲ್ಲಿ ಮಗು ಮೃತಪಟ್ಟಿರುವುದು ತಿಳಿದು ಬಂದಿದೆ.

  ಬುಧವಾರ ಮಗುವಿಗೆ ಜ್ವರ ಹಾಗೂ ಕೆಮ್ಮು ಇದ್ದ ಕಾರಣದಿಂದಾಗಿ ತಾಯಿಯು ಮಗುವನ್ನು ಮೆಡಿಕಲ್‌ಗೆ ಕರೆದೊಯ್ದು ಔಷಧಿಯನ್ನು ಪಡೆದಿದ್ದರು. ಆದರೆ ಜ್ವರ ಕಡಿಮೆಯಾಗದ ಹಿನ್ನಲೆಯಲ್ಲಿ ತಾಯಿಯು ಮಗುವನ್ನು ಪುನಹ ಮೆಡಿಕಲ್‌ ಸ್ಟೋರ್‌ಗೆ ಕರೆದೊಯ್ದಿದ್ದು ಆ ಅಂಗಡಿಯ ಮಾಲಕ ಮಗುವಿಗೆ ಇಂಜೆಕ್ಷನ್‌ ನೀಡಿದ್ದು ಮನೆಗೆ ಬಂದ ನಂತರ ಮಗು ರಕ್ತ ಖಾರಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

  ಮಗು ರಕ್ತ ಖಾರಿದ್ದರಿಂದ ತಾಯಿಯು ಮಗುವನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದು ಮಗು ಮೃತಪಟ್ಟಿರುವುದಾಗಿ ಆಸ್ಪತ್ರೆಯಲ್ಲಿ ತಿಳಿದು ಬಂದಿದೆ.

  ಈ ಕುರಿತು ಪ್ರಕರಣ ದಾಖಲಾಗಿದ್ದು ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.