ದೇಶ ಈಗ ಸರಕಾರದ ವೈಫಲ್ಯಗಳಿಂದಾಗಿ ಸೋಲುತ್ತಿದೆ - ಪ್ರಿಯಾಂಕಾ ಗಾಂಧಿ

•   Mon, Dec 02 2019 09:20:56 AM



• ನವದೆಹಲಿ, ಡಿ.02(Daijiworld News/ss): ದೇಶ ಈಗ ಸರಕಾರದ ವೈಫಲ್ಯಗಳಿಂದಾಗಿ ಸೋಲುತ್ತಿದೆ ಎಂದು ಕಾಂಗ್ರೆಸ್‌ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ನೇರವಾಗಿ ಬಿಜೆಪಿ ವಿರುದ್ಧ ಕಿಡಿಕಾರಿದ್ದಾರೆ.

  

  ಭಾರತವನ್ನು ಬಿಜೆಪಿ ನಾಶ ಮಾಡಿದೆ. ದೇಶದ ಜನರಿಗೆ ಸುಳ್ಳು ಭರವಸೆಗಳನ್ನು ನೀಡಿದ್ದರ ಪರಿಣಾಮ ಸದ್ಯ ಆರ್ಥಿಕತೆ ಪಾತಾಳಕ್ಕೆ ಕುಸಿಯುತ್ತಿದೆ. ಒಂದಾದ ಮೇಲೊಂದು ಭರವಸೆಗಳನ್ನು ಸರಕಾರ ಜನರಿಗೆ ನೀಡಿದೆ. ಪ್ರತಿ ವರ್ಷ 2 ಕೋಟಿ ಉದ್ಯೋಗ ಸೃಷ್ಟಿ, ಬೆಳೆಗಳ ಬೆಲೆ ದ್ವಿಗುಣ, ಅಚ್ಚೇ ದಿನ್‌, ಮೇಕ್‌ ಇನ್‌ ಇಂಡಿಯಾ ಸೇರಿದಂತೆ ಸರಣಿ ಭರವಸೆಗಳನ್ನು ಸರಕಾರ ನೀಡುತ್ತಾ ಬಂದಿತು. ಆದರೆ ಒಂದಕ್ಕಾದರೂ ಲೆಕ್ಕ ಇದೆಯೇ..? ಸದ್ಯ ದೇಶದ ಜಿಡಿಪಿ ಬೆಳವಣಿಗೆ 4.5% ಆಗಿದೆ, ಸರಕಾರದ ಭರವಸೆಗಳೆಲ್ಲ ಸುಳ್ಳು ಎನ್ನುವುದಕ್ಕೆ ಇದೇ ಸಾಕ್ಷಿ ಎಂದು ಆರೋಪಿಸಿದ್ದಾರೆ.

  26 ತ್ರೈಮಾಸಿಕಗಳಲ್ಲೇ ಕನಿಷ್ಠಕ್ಕೆ ಜಿಡಿಪಿ ಕುಸಿದಿದ್ದು, ಅಭಿವೃದ್ಧಿ ಕಡೆಗೆ ಸಾಗುವ ಉತ್ಸಾಹ ಇರುವ ದೇಶ ಭಾರತ ಸರಕಾರದ ವೈಫಲ್ಯಗಳಿಂದಾಗಿ ಸೋಲುತ್ತಿದೆ ಎಂದು ಕೇಂದ್ರದ ವಿರುದ್ಧ ಕಿಡಿಕಾರಿದ್ದಾರೆ.